Ka jingjop ka NPP ia ka bye-election ha Gambegre ka pyni ia ka jingtreikam ka Sorkar MDA: Paul

Syllad | The Rising MeghalayaNovember 24, 2024

U nongialam ka UDP uba dei ruh u Myntri sorkar u Bah Paul Lyngdoh ha ka 23 tarik u Naiwieng u la ong ba ka jingmih na ka elekshon shiteng samoi ha Gambegre ka jingpynskhem ia ka jinglah treikam jong ka sorkar MDA.

Haba ai khublei ia ka kyrtong ka NPP ka Dr Mehtab Chandee A Sangma kaba la ioh ia ka jingjop ha kane ka elekshon ba la pynbna hynne ka sngi Saitjain, u Bah Paul u la ong, “Bad wat klet ba ha ka elekshon kaba dang shu dep ha u bnai Jymmang mynta u snem, ngi la sakhi ia ka elekshon Lok Sabha ha kaba ka Congress ka la ioh ia ka jingjop ha Rilum Garo, kata ia ka Tura parliamentary seat. Kumta ruh kane ka pyni ia ka kam sain pyrthei kaba khlain bha ha kane ka thain. Wat ka shitaiew ka dei ka por kaba la jlan bha ha ka kam sain pyrthei.”

U la ong ruh ba ka jingjop ka Dr Mehtab ka pyni ba ki paidbah nongthep vote ka Gambegre ki dei kiba la shemphang bha namar ki la jied ia ka briew kaba la nang la stad ban leit mihkhmat sha ka iingdorbar thaw ain ka Jylla.