Ka jingkhlad noh I Bah Kynjaimon Amse ka jingduh kaba khraw iaka imlang sahlang: HYC

Syllad | The Rising MeghalayaAugust 23, 2024

Ka Hynniewtrep Youth Council (HYC) East Jaintia Hills, ka dap da ka mynsiem kaba sngewkhia ban iohpdiang iaka khubor halor ka jingkhlad ba kyndit jong I Bah Kynjaimon Amse haka jingjia aksident kaba la jia haka step 23 tarik Nailar.

U Preios Pale ula ong ba ka jingkhlad I Bah Amse i ba long i Muktiar, Assistant Waheh Shnong ka Umkiang bad u nongtrei imlang sahlang ka long ka jingduh kaba khraw namar ba u synniang u bynhei bala noh sha ka imlang ka sahlang ym lah shuh ban batai.

Ka HYC kala ong: “Ka jingtrei jong i kum i riewstad ha ki kam aiñ, kum u nongialam shnong, bad kum u nongtrei paidbah ka la long ka jing kyrkhu bad ka jingiarap shibun sha ka imlang sah lang. Ka jingiaid laitluid jong u, ka jingkitkhlieh, bad ka jingiatylli jong u ha ka imlang sahlang kan ym jah noh satia ha ka jingkynmaw ka jong ngi.

Ka jingpyntip na kiba ha iing u (L) Kynjaimon Amse

Ka jingduh ia u Kynjaimon Amse kam dei tang ka jingduh jong ka iing ka sem jong u, hynrei ka dei ka jingduh jong ka imlang sahlang hi baroh kawei. Ngi na ka liang ka Seng ngi phah ia ka khubor jingsngewlem  sha ka iing ka sem jong u. Bad ngi kyrmen skhem ba u blei un pyntngen iaka iing ka sem kum hakane ka jing jaw ummat kthang kaba ka iing ka sem ka iakynduh.

Ka jingduwai jong ngi baroh ka long ba ka mynsiem jong u kan ioh suk ha iing jong u Kpa ha bneng.”

Khlad kyndit u Kynjaimon Amse u nongiasaid ain bad nongtrei kam bhalang ka East Jaintia Hills ha ka jingjia tyngkhuh kali