Ka jingkiew ka bai kali kadei na ka khlam COVID-19 ong u nongialam ka AJTCVA

Syllad | The Rising MeghalayaOctober 12, 2020

Hadien ba mih bun ki jingujor bad ki jingud na ki nongshong kali passengers, kiba don hapoh West  Jaintia hills & East Jaintia Hills District, ka All Jaintia Tourists & Commercial Vehicle Association (AJTCVA)  kaba  dei peit ia ka bha ka miat ha ka kam kamai kali ka kwah ban pynshai ba ha ka jingiadei bad ka bai kali & ka rukom thep passengers ha kine ki por ba don ka khlam Covid -19.

U President ka AJTCVA, u Paila Lyngkot ula ong ba kila dep bthah ia baroh ki nongniah kali ki ba kamai ba kim dei ban shim kabu ia ki nongleit nongwan (passenger), hynrei ki hap ban bud kat kum kyndon ba la bthah da ki bor ba dei ban peit ia ka Transport ha ryngkat ki bor jong ka Sorkar ki ba don ha District.

“Wat hapdeng ki ba bun ki jingeh ba ki nongkamai kali ki ia kynduh, nalor ba la kiew ka jingsiew ha ki kot kali, ki Taxes, ka Petrol & Diesel bad kiwei kiwei, bad ruh hap ban thep passenger kat kum ka jingbthah Ka Sorkar ka wanrah iaka jingkiew dor ka bai kali.

Ka AJTCVA ka hap ban bud ia ki kyndon ba la bthah da ki bor ba dei ban peit ia ka Transport khamtam ha kum kine ki por ki ba baroh ngi ia kynduh shibun ki jingeh namar jong ka khlam kaba hap ban shong kali katkum ka kyndon jong ka khlam COVID-19 bad ym lah ban thep passenger ne nongshong kali katba mon,” la ong u Paila.

“Na kaliang ka seng ngi kyrpad iaphi ki nongleit nongwan ba phin sngewbha ban iai shah bad ban iatreilang khnang ba kan ym don kano kano ka jing ia sngewthuh bakla hapdeng ki drivers jong ngi bad ki nongleit nongwan baieit jong ngi ki ba shaniah ha ki kali kamai jong ngi ban pynpoi iaphi na kawei ka jaka sha kawei pat. Lada don kino kino ki drivers ki ba shim kabu iaphi ki nongleit nongwan da ki kali kamai sngew bha ban iasnohkti lang bad ka seng da ka phi pyntip sha ka Seng ia ki number jong ki kali ki ba shim kabu iaphi ki nongleit nongwan khnang ba ngin lah ban pynshitom ia ki kat kum ki kyndon jong ka Association lane phi lah ban ia kynduh ia ki nongkitkam AJTCVA,” la ong u Paila.

Ka AJTCVA ka maham ruh ia ki drivers ki ba shim kabu ia ki nongleit nongwan da ki kali kamai ba lada ka seng kan lap ia kiba shimkabu ka seng kam don jingkitkhlieh bad kan pynshitom ia ki da ka ba tyngeh kat kum ki kyndon jong ka Association.