Ka jingkren Independence Day ba 74 ka Sorkar Meghalaya

Syllad | The Rising MeghalayaAugust 15, 2020

Ha kane ka sngi ba ngi rakhe ia ka Sngi Laitluid kaba 74, ngi kynmaw tympang ia ki jingnoh synniang jong ki riewkhraw ka India kum u Mahatma Gandhi, Pandit Jawaharlal Nehru bad kiwei kiba la ai ha ngi ia ka ri synshar paidbah kaba heh tam ha ka pyrthei. Ngi sngew sarong ia ki jingnoh synniang jong ki riewshlur ka jylla kum u Tirot Sing, Kiang Nangbah, Pa Togan Sangma kiba la aiti ialade ban pynlaitluid ia ngi. Mynta ka ri jong ngi ka la laitluid namar ka jinglen lade jong ki. Kumta haba ngi kynmaw ia ki riewshlur jong ngi, to ngin pynrung ha ka dohnud jong ngi ia ka mynsiem ban shakri ia la ka jylla bad ka ri.

Ka dei ka mynsiem jong ka jingaiti ialade kaba ngi donkam ha kine ki sngi haba ngi hap ban mad ia ka jingtynjuh kaba khraw na ka jingwan ka khlam COVID-19. Ki don bun ki jingeh kiba ngi hap ban mad na kane ka khlam hynrei ka sorkar kam shym shong kli kti. Ka jylla ka la pynstet ban shim ia ki lad ki lynti bad ka dei kawei na kiba nyngkong ha ka ri ban pyntreikam ia ki lad jingiada naduh u bnai Lber 2020. La pynlong ia ka COVID-19 Awareness Day ha ka 21 tarik u Lber shwa ban pynjari ia ka Janata Curfew ha ka ri baroh kawei ha ka 22 tarik u lber.

Ka jylla ka la wanrah ia ka Problem Driven Interactive Model Approach (PDIA), kaba pynshlur ia ka jingshim bynta jong baroh ban wad ki lad ki lynti ban teh lakam ia ka khlam. Kane ka jingaibor treikam ia baroh ka la long kawei na ki dawbah kaba pynsuki ia ka jingsaphriang u khniang jingpang COVID-19, ha kaba kat haduh u bnai Nailar 1, 2020, ka jingdon kiba ioh ia u COVID-19 ha Meghalaya ka long kaba duna tam lada ianujor bad ka ri baroh kawei.

Kum shibynta na katei ka model, ngi la wanrah lai kyrdan ki lad iada bad ki jingshim lad:-

Ka jingpeit ia ki jaka ba don kiba pang bad ban pyndkut ia u kynjri jingsaphriang jingpang

Pynkhlain ia ki jaka sumar pang ban sumar ia kiba pang COVID-19

Pynkhlain bad pynsngewthuh ia ki paidbah bad ki shnong

Na ka bynta ka jingwad bad jingiada na ka jingsaphriang ka jingpang, la thung ia ka State Response Team jong ka COVID-19 ban shim ki lad ban teh lakam ia ka jingsaphriang ka jingpang. Lyngba ka jingpyndonkam ia ki kor ki bor, la buh ia ki Surveillance System ban wad ia iwei pa iwei i briew iba wanphai sha jylla. Ngi la buh ruh ia ka COVID-19 Tracking Web App, ka IVRS Calling System, ka Corona Care Management System bad ka Sankalp Dashboard ban lum jingkhein khnang ba ki bor pyniaid sorkar bad bor distrik kin lah ban peit bad bishar ia ka jingling jingman.

Na ka bynta ban pynkhlain ia ka tnat ka koit ka khiah ban sumar ia ki nongpang COVID-19, ka jylla ka la iaid shaphrang ban pynkhlain ia ki jaka sumar. Ka jylla ka la pynbun ia ka jingdon ki Ventilator na ka 4 sha ka 71 tylli. Ngi don 66150 ki VTM, 80 ki Bipap Machine bad 135000 ki dawai kuli HCQ. Nalor ka NEIGRIHMS, ka jylla ka la buh ruh ia ki Testing Centre ha Tura Civil Hospital bad Pasteur Institute. Tang ha i por iba saw bnai, ka jinglah ban tes ha ka jylla ka la kiew na ka 30 ki test shisngi sha palat 1000 ki test shisngi. Ki tiar test mynta ki don ha ki 9 tylli ki distrik. Ngi don baroh 18 tylli ki COVID-19 Testing Machine – 4 ki RTPCR, 3 ki CBNAAT bad 11 ki TrueNat. Ka jylla ka don 3847 ki jingthiah kiba la mang na ka bynta kiba pang COVID-19 ha kylleng ki distrik.

Ha kaba iadei bad ka jingsumar pang, ia ki nongpang la phiah ha ki 4 bynta – Category A (ki bym pynpaw dak jingpang), Category B (ki ba pyni ki dak jingshitom ba malu mala), Category C (kiba la pyni ki dak jingshitom kiba la kham jur) bad Category D (Kiba la shitom jur). La ai ka jinghikai kumno ban sumar katkum ki kyrdan jong kitei ki case. Baroh ki distrik ki la lah mynta ban sumar ia ki nongpang COVID naduh kiba ioh pang malu mala haduh kiba la shitom jur.

Nalor ki jaka kiba don mynta, ka jylla ka la pyndonkam ruh ia ki jingtei sorkar bad pynkylla ia ki sha ki Corona Care Centre bad Institutional Quarantine Centre. Ka jylla ka la buh laijait ki jaka pynshong kyrpang kata, ki Corona Care Centres, Institutional Quarantine Centre bad Community Quarantine Centre. Ka jylla ka don 1272 tylli ki Community Quarantine Centre ha kylleng ki distrik.

Ban jop ha ka jingialeh pyrshah ia ka khlam kaba kum kane, ka long kaba donkam tam ban pynkhlain ia ki bor shnong. Ha kane ka bynta ngi la pyndonkam ia ki bor pyniaid shnong ban pyniaid, pynsngewthuh paidbah bad teh lakam ia u COVID-19. Ngi la ai jinghikai ia ki nongtrei kiba hakhmat eh kum ki ANM, Anganwadi, ASHA, SHG, ki Rangbah Shnong, ki Nongialam Niam bad ki riewpawkhmat ha ki shnong bad ki seng ban peit bad wad ia kiba don ki dak jingshitom bad kumno ban leh haba don kiba pang. La buh ia ki Community Quarantine Centre bad la thung ia ki Community COVID-19 Management Committee (CCMC) ha kawei pa kawei ka shnong ha kylleng ka jylla. Haduh mynta, ka jylla ka don palat 7000 tylli ki Community COVID Management Committee ha kylleng ki distrik. Ka lad kaba kham pher kaba la khot ka Behavioural Change Management Committees (BCMC) la thung ha man ki shnong ban pynkhlain ia iwei pa iwei i nongshong shnong ha kaba iada na ka jingsaphriang u khniang jingpang da kaba kham pyrkhat ia ki briew kiba la tymmen bad ki briew kiba don sa kiwei pat ki jingpang.

Nalor ki lad jingsumar ba ka sorkar ka la shim ha kaba ialeh pyrshah ia ka khlam, ka sorkar ka la ai jingiarap sha ki nongshong shnong kiba mad jingeh ha ka jylla, kiba don ha ka jylla bad kito kiba sahkut shabar jylla namar ka Lockdown. Ia ki nong Meghalaya kiba don shabar jylla, la thep 3000 tyngka sha ki bank account jong ki 10,038 ki briew kiba sahkut shabar jylla hapoh ka Chief Minister’s Special Grant. La pynbna ruh ia ki nombar iarap ban ai jingiarap bad btin lynti ia ki briew kiba sahkut shabar jylla bad wat ban pynbiang ki marbam bad ki tiar ba pyndonkam man ka sngi. Nalor kata, la pynbiang ki rel kyrpang na Chennai, Bengaluru, Mumbai, Delhi, Hyderabad, Goa, Rajasthan, Gurugram bad Gujarat ban wan ialam ia ki nongshnong shnong sha iing, ia kito kiba sahkut ha ki jylla ka thain shatei lam mihngi, la pynbiang ki bos ban wanlam ia ki. Ka sorkar Meghalaya ka pynbiang ruh ki jingdih, bam sngi/bam miet, ki dawai sait kti, ki mask bad kiwei hadien ba ki la poi ha steshon rel bad kad liengsuin bad la pynpoi ia ki sha ki jaka jong ki hadien ba la dep ban leh ia baroh ki kyndon jingbthah jong ka tnat ka koit ka khiah.
Ka sorkar Meghalaya ka pynbiang ruh ki Provision Kit ia kiba wanphai nabar jylla ha ka por ba ki hap ban pynkyrpang ialade 14 sngi.

Ban pynshlur ia ki shnong ban ialeh pyrshah ia ka khlam COVID-19, la ai jingiarap pisa T. 10000/- sha kawei pa kawei ka Community Quarantine Centre kaba treikam. La pyllait baroh T. 148.90 lak sha ki Community Quarantine Centre kat haduh ka 24 tarik u Naitung, 2020.

Ia ki nongbylla sngi bad kiwei ki nongtrei kiba la duh kamai namar ka khlam, ka sorkar lyngba ka Labour Department ka la ai bun jait ki jingiarap. La ai jingiarap pisa @ T. 5000/- iwei i nongioh myntoi kum ka bai lutksan ha ka por ba don ka lockdown sha ki 25,794 ki nongtrei misteri bad kiwei ki nongtrei kiba la rejistar kaba la kot sha ka T. 12, 89, 70,000/- (khatar klur phraphew khyndai lak hynniewphew hajar). Ka sorkar Meghalaya lyngba ka ophis jong u Labour

Commissioner ka la sdang ia ka Chief Minister’s Relief Against Wage Loss Scheme (CRAWL) khnang ban ai jingiarap ia ki nongbylla sngi/ki nongbylla/ki nongkhaii barit ha ka por ba don ka lockdown. Hapoh ka skim, la ai jingiarap na ka bynta lai taiew la ai @ T. 700/- shitaiew, kata, T. 2100/-.

Ka sorkar ka pynpaw ka jingsngewnguh ia kiba bun ki seng bad ki riewshimet kiba la wan shakhmat ban noh synniang sha ka Chief Minister’s Relief Fund. Hapoh ka Chief Minister’s Relief Fund, la pyndonkam T. 4.50 klur ban thied ia 25 tylli ki COVID-19 108 Ambulance. Sa T. 95.55 lak la pyndonkam ban thied 20 tylli ki EECO Ambulance. Baroh 45 tylli ki Ambulance la aiti sha ka Health & Family Welfare Deparment ban pyndonkam ha kane ka por ba don ka khlam COVID-19.

Ka jingsngewnguh ka leit sha ki nongtrei kiba hakhmat eh jong ka koit ka khiah kiba la aiti ialade ban shakri ia ki paidbah ka jylla ha kane ka jingialeh pyrshah ia ka khlam COVID-19. Ngi sngewnguh ruh ia ki nongialam shnong kiba la wan shakhmat ban kyrshan lang ia ka sorkar ha kane ka bynta.

Katba ka kam kaba hakhmat eh ka long ban teh lakam ia ka khlam COVID-19, ka sorkar kam shym klet ia kiwei pat ki kam ba hakhmat jong ka koit ka khiah kum ka jingsumar ia ki longkmie ba armet, ba kha khun bad ka jingsumar ia ki khunlung. Ka projek Meghalaya Health Systems Strengthening Project ka dang iaid shakhmat ban pynkhlain ia ka kam sumar, ban pynjanai ia ki jingshakri ka koit ka khiah da kaba pynkhlain ia ki District Hospital. Ha ka bynta ba nyngkong, ka sorkar ka la mang T. 75 klur. Nalor kata, ka sorkar ka la buddien bad ka World Bank bad Sorkar India na ka bynta ki projek kiba ioh jingiarap pisa nabar kaba la kot 352 klur ban pynkhlain ia ki lad jingsumar ha ka jylla.

Namar ka jingiap ki longkmie ha ka por ba kha khunlung ka kiew bha, ka sorkar ka la pyrshang baroh ki lad ban pynduna ia ka jingiap ki longkmie bad ki khunlung ba dang shu kha. Naduh u Iaiong, la pynlong ki jingialang man ka taiew ha ki distrik bad la pyndonkam ia ka PDIA Model ban pynhiar ia ka jingiap ki longkmie bad ki khunlung. Wat hapdeng kane ka por jong ki jingtynjuh, ka long ka jingsarong ba ka jylla jong ngi ka don ha ka kyrdang ba-ar ha ka ri na ka bynta ka jinglah ban ai tika katkum ka kaiphod ba la pynmih da ka Immunization and Technical Support Unit (ITSU), Ministry of Health & Family Welfare.

Ka khlam ka la kah syrngiew ia kiwei ki kam pynroi bad ia ka kamai kajih ha ka jylla. Ban pynkhie im ia ka roi ka par, ka sorkar Meghalaya ka la thung ia ka Chief Minister’s Task Force na ka bynta ka Meghalaya hadien u COVID-19. Ki thong jong kane ka kynhun ka long ban wad ia ki lad kiba kham kynsai ban pynkhie im ia ka kamai kajih. Ka task force kan wad ki kabu thymmai bad ki lad treikam da kaba pyndonkam ia ki kor ki bor ban kyntiew ia ka ioh ka kot hadien u COVID-19 bad ban saindur ia ki lad treikam ia ka Meghalaya na ka bynta ka snem 2020-21 bad ka snem 2021-25. La thung ki kynhun treikam ha ka Finance; Revenue and Investment; Infrastructure and Labour; Primary SectorAgriculture and Allied; rural Poverty Allevation and Livelihoods; Industries and Trade and Entrepreneurship, Skills and Tourism ban wad ki lad ban kyntiew ia ka ioh ka kot.
Baroh ki skul bad kolej ki la khangdam naduh ka taiew ba khatduh u Lber ban teh lakam ia ka jingsaphriang ka khlam bad kane ka la buh jingeh ia ka jingpule bad jinghikai. Ka sorkar ka la wanrah bun jait ki lad ban ai jinghikai ia ki khynnah ha kane ka por ba don ka khlam. Ryngkat bad ka plan jong ka sorkar pdeng ia ka pule puthi, ka sorkar jylla ruh ka la sdang ia ki kyndon pule na ka bynta ki khynnah ha kane ka snem kaba mynta. Ban kyntiew ia ka sap hikai hapdeng ki nonghikai bad ki principal jong ki skul ha ka kyrdan Elementary, ka NISHTHA lane National Initiative for School Heads & Teachers Holistic Advancement ka la sdang ha ka jylla. ka Teacher Information Management System, ka web application, ka ai ki jingshakri ban ai jinghikai ia palat 7800 tylli ki skul. Ka ai ka jingtip lyngba ka online kaba beit, kaba shngain bad kaba paka na ka bynta ki nonghikai kiba iadei bad ka jingshakri ki nonghikai, ka jingtbit, ka jingioh jinghikai, ka jingthung kam, ka jingpynkynriah kam, ka jingkiew kam bad ka jingshongthait. Ka Meghlaaya School Improvement Plan (MSIP) ka suhthied bha ha ka jylla ha kaba jan 1000 tylli ki skul ki la iasnohkti ban phah ia ki plan jong ki. Kane kan wanrah ka jingiatreilang hapdeng ki nongdon bynta ha ki kam skul ban kyntiew ki shnong ki thaw. Ka DIKSHA ka la saindur ia ki Energized Textbook na ka bynta ki Klas IX bad X ha ka Science bad Mathematics. Hadien, yn sa saindur ruh ia ki kot pule na ka bynta ki klas VI-VII. Kine ki Energized Textbook ki iarap ha kaba pynioh ia ki lynnong kot na ki kor kompiwtor da kaba scan ia ki QR Codes. Ka DIKSHA ka ailad ia ki nonghikai bad ki khlieh jong ki skul ban shna ia ki lynnong. Da kaba pyndonkam ia kane ka rynsan, ki nonghikai ki la shna hi ia la ki lynnong kiba iadei bad ki jinghikai jong ki. Nalor kata, ka jylla ka la sdang ban buh ia ki residential co-educational school ha ki thain nongkyndong lyngba ka Eklavya Model Residential Schools (EMRS) bad la rejistar ia ka Society ban pyniaid ia kine ki skul. Ka sorkar ka la mynjur ia ka soskular bad ka Ministry of Tribal Affairs na ka bynta kane. Ka jingkhot tender ka la sdang na ka bynta artylli ki skul ban sdang ia ka jingtei ia ki skul.
Wat hapdeng ki jingtynjuh kiba mih na ka khlam COVID-19, ki tnat treikam sorkar ki iai bteng ban pyntreikam ia ki kam pynroi. Ka tnat ka rep ka riang bad Farmers Welfare ka pyrshang ban pynthikna ia ka jingtreikam jong ki skim ka sorkar pdeng bad sorkar jylla ha ka jylla da ka jingthmu ban pynkiew arshah ia ka ioh ka kot jong ki nongrep. Ka tnat ka ai 50% ka subsidy ia ki symbai jhur bad ki tynrai soh ia ki nongrep kiba dang kham duna ka ioh ka kot. Lyngba ki skim ki bapher bapher, la pynshlur ia ki nongerp ba kin thung ia ki jhur kiba lah dor bad ki ba lah ban man ha bym dei aiom ruh. Ka tnat ka wad ruh ia ki lad ban pynkhieim ia ki bri soh jong ki soh don um, khamtam ki nongrep sohniamtra Khasi Mandarin kiba ioh jingiarap ha ka liang ki tynrai soh kiba bha bad ki lad iada ia ki tynrai soh. Ha kane ka por jong ka khlam COVID-19, ki nongrep ki ioh ka jingiarap bakyrpang na ka bynta ki symbai jhur ha ka dur ka subsidy kaba 75% na ka Krishi Karman Award ba la ai da ka sorkar India, bad kaba la pynioh myntoi ia 12177 ki nongrep. Da kaba shim kabu na ki jaka ba lait namar ka jingpyniar ia ki surok, ka tnat ka la shna ia ki iew rud surok ha katto katne ki jaka ha shilynter ka surok bah kaba ju iaid ki briew bad ki nongjngoh kai pyrthei, artylli kum kine ki iew ha Umrangksai, Ri Bhoi bad Diengpasoh, East Khasi Hills la plie ha ka 25 tarik Jylliew, 2020 bad 7 tarik Naitung. Lah ban kdew hangne ba ka Meghlaaya Legislative Assembly ka la dep mynjur ia ka Meghalaya State Agricultural

Produce and Livestock Marketing (Promotion and Facilitation) Bill, 2020 ha ka 21 tarik Jymmang, 2020. Lah ban kdew ba ka bill kan kynthup ia ka kam ri jingri, ri dohkha bad jingthung ia ki dieng bad ki sla dawai nalor ki marrep bad kane baroh kan pynmyntoi ia ki nongrep na ka e-NAM kaba dei ka iew lyngba ka kor internet.

Ka tnat Fisheries ka don ka bynta ba kongsan ban ai kam ai jam ia palat 2100 ki nongri dohkha ha ka jylla. La wanrah 3465.37 haktar kyllum hapoh ka pharm ri dohkha. Ka jingpynmih dohkha kat haduh ka 31 u Lber, 2020 ka long haduh 14,128.41 MT katba ka jingpynmih symbai dohkha ka la kiew sha ka 13.2329 milian.Wat la ka khlam COVID-19 bad ka lockdown ka la wanrah ka jingduh kaba khraw ia ki nongrep ha kaba iadei bad ka kam ri jingri, ka la wanrah pat hajan ia ka iew die dohkha ha kaba iadei bad ka jingdie ia ki dohkha. La lah ban die haduh 305.364 MT ton ki dohkha ba ri hi naduh 22.3.2020 haduh 20.6.2020 ha ka por ba pynjari ia ka lockdown ha kaba ka jingioh kyllum haduh mynta ka la long haduh 9.19 klur. Ngi dei ban kyntiew ia ka jingpynmih dohkha ha ka jylla da kaba kyntiew bad pynbha ia ki pung dohkha, ban ai sertiphikiet ia ka jingdie ia ki dohkha kiba bha bad ki symbai dohkha kynthup kaba buh ia ka Certification/ Registration Body/ Laboratories bad jaka pynkyrpang ia ki dohkha, ka jingwanrah ia ki symbai dohkha kiba thymmai kiba iaid iew, ban pynthymmai ia ka rukom ri dohkha lyngba ki nongtrei kam lajong bad ki pharm ri dohkha jong ka sorkar, Integrated Cold Chain Development lane ki kor pynpjah na ka bynta ban buh ia ki dohkha ba la sei na pung, ka Ranching Programme ha kaba baroh ki wah/ki nan/ki jaka pynlang um lah ban buh ia ki dohkha kum ki Minor Carps bad Indian Major Carps bad kiwei kiwei ki kam kyntiew ia ka jingri dohkha.
Ka tnat AH & Veterinary ka don ka bynta ba kongsan ban kyntiew ia ka ioh ka kot ka jylla khamtam ha ka jingkyntiew ia ka kam ri mrad bad ri syiar. Ka jingkiew jong ka tnat Animal Husbandry ka shong eh ha ka koit ka khiah bad jingsumar ia ki mrad. La pyntreikam ia ka Foot and Mouth Disease (FMD) Control Programme kynthup ia ka Brucellosis hapoh ka National Animal Disease Control Programme (NADCP). Ka jingkloi jong ka Task Force bad Rapid Response Team ka dei ka daw bah ba ngi lah ban teh lakam ia ka jingsaphriang jong ka African Swine Flu ha Meghalaya. Ban kyntiew ia ka jingpynmih doh, ka tnat ka la shim ia ki lad ban pynkhlain ia ka pharm ri syiar ha Nongpiur, ka jingpynkylla ia ka pharm ri sniang ha Kyrdemkulai sha ka Nucleus Pig Farm, ka jingsumar ia ki sniang shnong bad ka jingpynkha khun sniang da kaba shu injek lyngba ka National Livestock Mission. Hapoh ka Rashtriya Gokul Mission, ka sorkar India ka la ai phon ban sumar ia ki masi lyngba ka Artificial Insemination da kaba pyndonkam da ka High Yielding Indigenous Bovine Semen. 100 ngut ki samla ba la nang la stad ki la ioh jinghikai ha ka Artificial Insemination. Hapoh ka Rashtriya Krishi Vikas Yojana & Livestock Mission, ki ophisar bad Para-Vets ki la ioh ia ki jinghikai kiba kyrpang. Ki Vocational Training Centres ki la sdang ban ai jinghikai ia ki nongtrei kam lajong, ki nongrep bad kiwei. Ka Meghlaaya Piggery Mission ka thmu ban kyntiew ia ka jingpynmih dohsniang, ban kyntiew ia ka kamai kajih jong ki nongrep kiba kham duna ka ioh ka kot bad ki samla bym don kam don jam bad ban pynbiang ia ka jingdawa ia ka doh sniang ym tang ha kane ka thain hynrei ban shalan ruh sha South East Asia. Ka National Cooperatives Development Corporation (NCDC) ka la mynjur ban ai jingiarap pisa kaba 220 klur na ka bynta ka Meghalaya Piggery Mission. Ka Meghalaya Milk Mission ka la treikam da kaba ioh jingiarap pisa 220 klur na ka NCDC. Ka Mission kan iarap ia ki nongpynmih dud ba kin kyntiew ia ka jingpynmih dud bad ban pynshlur ruh ia kiwei ki nongrep ha ki shnong ba kin thaw ia ki Dairy Cooperative Society ban nang kyntiew ia ka ioh ka kot jong ki.

Ha ka tnat Textiles & Sericulture, ka Department of Textile ka la shimti ia ka Intergrated Scheme ban kyntiew ia ka kam ri sairusom ha Ri Bhoi

Distrik ha kaba la ai ki jingiarap bapher bapher ia ki nongrep sairusom. Ha ka tnat

Handloom, la kyntiew ia ki lad treikam lyngba ka Cluster Development

Programme. Hapoh kane ka skim, la thung 72 tylli ki Handloom Cluster ha man ki distrik kaba kdup ia 5307 ngut ki nongthain jain. Ka kynhun kaba hap ha kane ka thup ki dei ki nongthain jain kiba seng ia ki Self Help Group da ka jingthmu ban kyntiew ia ka jingpynmih ia ki jain thain kti. La ai jingiarap pisa ruh ia ki nongthain jain ba kin shna ia ki jaka trei bad ban shna ia ka jaka buh ksai ha la ki shnong khnang ban pynsuk ban ioh ia ki ksai ha ka dor kaba biang. Ka skim ka ai ruh ka kabu kamai ia ki samla na jylla ki bym don kam don jam. Haduh mynta, 128 ngut ki samla ba la pas graduate na Handloom Training Instituite, Indian Institute of Handloom Technology bad National Institute of Fashion Technology ki la ioh kam kum ki Cluster Development Executive bad Textile Designers. Ka Integrated Textile Tourism Complex ha Nongpoh kan nang kyntiew ia ka kam pynmih jain ha ka jylla.

Ka tnat Soil & Water Conservation ka la pyntreikam bun ki skim bad projek ban tyngkai bad sumar ia ka spah mei mariang bad ban kyntiew ia ka lad kamai jong ki paid nongkyndong da kaba kham phai khmat sha ka jingtyngkai, sumar, pynkhieim ia ki madan sah shrah, ki um bad ki khlaw. Ia ki projek jong ka tnat la pyntreikam da kaba ai bynta lang ia ki paid nongshong shnong bad ka jingiatreilang bad ki bor shnong. Hapoh ka Integrated Watershed Management Programme, kaba tip mynta kum ka bynta jong ka Watershed

Development Component – Pradhan Mantri Krishi Sinchayee Yojana (WDCPMKSY), la pyntreikam 84 tylli ki projek ha baroh ki distrik ia kaba 47 tylli la lah ban pyndep. Hapoh ka Pradhan Mantri Krishi Sinchayee Yojana (PMKSY)- Har Khet Ko Pani (HKKP), 42 tylli ki projek ba dang iaid shaphrang la pyntreikam ban tyngkai bad sumar ia ki tyllong um kiba donkam. Hapoh ka National Adaptation Fund for Climate Change jong ka Ministry of Environment Forest and Climate Change, 306 tylli ki tyllong um la shimti ban pynkhieim biang hapoh ka Spring Shed Rejuvenation Programme.

Ha ka tnat Urban, la kham phai khmat sha ka jingkyntiew ia ki lad jingshakri bad ban pynioh ia ki lad jingshakri sha ki nongshong shnong ha sor kiba kham duk. Ka tnat Urban Affairs ka la saindur bad pyntreikam ia ki skim bad prokram na ka bynta ka roi ka par jong ki jaka sor ha ka jylla. Ngi la pyrshang ban pyndep ia ki projek kiba la mang hapoh ka Atal Mission for Rejuvenation and Urban Transformation (AMRUT). Ka jingtei ia ka Septage Treatment Plant hapoh ka AMRUT ka la dep 30% bad ka 170 Tonnes Per Day (TPD) Compost Plant hapoh ka North Eastern Region Urban Development Programme ka la dep 95%. La sdang ruh ia ki projek thymmai hapoh ka AMRUT na ka bynta ban pynjyrngam ia ki 5 tylli ki jaka ha ka nongbah Shillong bad la khot tender ia ki projek sam um ha ki jaka sor. Ka DPR na ka bynta ka Faecal Sludge Septage Sludge Plant bad ka projek pynkhuid um ka la jan dep. Hapoh ka Swachh Bharat Mission (SBM), la pynbna ia baroh ki municipal board kum ki jaka ba lait na ka leit bar sharud shakiar. Nalor kata, la lah ban pynshna 1318 tylli ki painkhana ha ki longing ha ki jaka municipal bad 108 tylli ki painkhana paidbah bad 14 tylli ki jaka pynlang sboh ki dang iaid shaphrang. Hapoh ka National Urban Livelihood Mission (NULM), la sdang ban seng ia ki Self Help Group, ki prokram ai jinghikai pyntbit, ka jingpynbiang ia ki jaka rieh tngen. Ha kane ka jingjia jong ka khlam COVID-19, kumba 100 ngut ki briew bym don iing don sem ki la ioh jaka rieh tngen. Ban ialeh pyrshang ia u COVID-19, la ai ia ka work order ban buh ia ka Common Bio-medical Waste Disposal bad Treatment Facility na ka bynta ka Tura bad Shillong. La thied laitylli ki kali kit ia ki jakhlia kiba mih na ki hospital bad ki jaka sumar na ka bynta ka Tura, Jowai bad Shillong. Ka tnat ka donkti ha kaba pynkhuid bad synreit dawai ia ki shnong kiba don ha ki jaka sor ha ka jylla. La lah ruh ban pyndep ia ka jingkhot tender ban tei ia ka iew Laitumkhrah, iew Polo bad ki Smart Roads hapoh ka projek Smart City.
Ka sorkar India hapoh ka Jal Shakti Ministry dang shen ka la sdang ia ka Jal Jeevan Mission ban pynbiang umkor ia kawei pa kawei ka longing ha nongkyndong hapoh ka snem 2024. Hynrei, ka sorkar Meghalaya ka la buh thong ban pynurlong ia kane hapoh u Nohprah 2022. Ha Meghalaya, ki don kumba 5,

89, 888 tylli ki longing ha nongkyndong ha kaba tang 6279 ki longing ki ioh um ha iing kat haduh ka 31.3.2020. Na ka 6415 tylli ki shnong kyndong, 3891 (61%) tylli ki ioh um lyngba ki paip um bad kiba sah ki ioh um na tyllong um lait noh na ki paip. Ka tnat PHE ka la saindur ia ka lad treikam ban pynpoi sha kane ka thong da kaba pynbiang umkor ha iing ia baroh ki longing nongkyndong hapoh u Nohprah 2022. Ha kaba iadei bad ka jingsam um ha ki jaka sor, ka jingtreikam ka la iaid shaphrang ia ka Greater Shillong Water Supply Project (Phase III) ba la mang hapoh ka JNNURM, ba la tip mynta kum ka Atal Mission for Rejuvenation and Urban Transformation (AMRUT), Greater Ampati Water

Supply Scheme bad Nongstoin Urban Water Supply Scheme hapoh ka State Plan. Ka tnat ka la shimti ruh ban pyntreikam ia ka Greater Sohra Water Supply Scheme bad ban buh paip sam um na ka bynta ka Tura Phase I & II Water Supply Scheme hapoh ka North East Special Infrastructure Development Scheme bad kine ki la iaid shakhmat. Ka Swachh Bharat Mission (Gramin) Programme ka la sdang ha ka jylla ryngkat bad ka ri baroh kawei ha ka 2.10.2014. Ka Meghalaya ka la ioh nam kum ka jylla kaba lait na ka leit painkhana sharud shakiar ha ka 31.1.2018. Da kane, ka jylla ka la pynkhreh ban pynneh pynsah ia kane ka nam da kaba pyntreikam ia ka ODF Plus bad ODF Sustainability. Nalor kata, ka tnat ka la shimti ban pynurlong ia ka Solid bad Liquid Waste Management da kaba pan ia ka jingiatreilang jong ki shnong kumno ban pynbha bad pynbeit ia ka rukom pynlang jakhlia ha ki thain nongkyndong.

Ka tnat Water Resources ka donkti ha kaba pyntreikam ia ka projek sam umrep, iada na ka jingshlei um bad ka jingtwa khyndew ha ki jaka rep bad kiwei de ki kam. Ka jingdon ki jaka ba ioh umrep ha Meghlaaya ki long kumba 2.18 lak haktar. Mynta ki don 84 tylli ki projek sam umrep kiba rit kiba dang iaid shakhmat ha ka jinglut kaba 288 klur ba la mang hapoh ka Pradhan Mantri Krishi Sanchayee Yojana (PMKSY). Kawei na ki jingsdang jong ka tnat ka long ka jingtei ia ki Multipurpose Reservoirs ki ban pynmyntoi ia ka rep ka riang, ka kam ri dohkha, ka jingpynlang um, ka jngoh kai pyrthei bad kiwei. Haduh mynta la lah ban mang 28 klur na ka bynta 42 tylli ki jaka pynlang um bad ka kam ka dang iaid shakhmat. Ka tnat ka pyntreikam ruh ia ka National Hydrology Project, ka skim jong ka sorkar pdeng kaba la bei pisa da ka World Bank kaba dei ban lum jingkhein, bad ai jingkyrshan na ka bynta ki tyllong um ha ka jylla. La mang 22 klur ia ka Meghalaya. Khnang ban pynneh pynsah ia ki tyllong um jong ka jylla da ka jingdonbynta lang ki paidbah, ka tnat ka la sdang ban pyntreikam ia ka State Water Policy.
Ka tnat Industries ka dei kawei na ki tnat ba radbah kaba lah ban kyntiew ia ka ioh ka kot bad aikam aijam ia ki briew ka jylla. Namar ka jingkiew stet ka jingkyrduh kam, ka long kaba donkam ia ka sorkar ba kan kyntiew ia ka ka kam karkhana ha ka jylla. Ha ka liang ka kam khaii, da ka jingjop jong ka jingpyntreikam ia ki iew khappud ha Kalaichar, South West Garo Hills bad Balat, East Khasi Hills, ka sorkar India bad ka People Republic of Bangladesh ki la mynjur ban buh shuh sa 6 tylli ki iew khappud ha shilynter ka khappud jong kine ki artylli ki ri. Ka jingtei ia ki lai tylli ki iew khappud ka la dep, kata ka Bholaganj bad Rynku ha East Khasi Hills bad Nalikata ha South West Khasi Hills. Kiba dang iaid shakhmat mynta ki long sa lai tylli, kata ka Shibbari ha South Garo Hills, Kilapara, Dalu ha West Garo Hills bad Huroi ha East Jaintia Hills. Ha ka snem 2019-20, hapoh ka Mastercraftsman Training, la jied 818 ngut ki nongohdur ban ioh jinghikai ha ki kam kum ka jingthain siej bad thri, ohdur ia ki dieng bad kiwei bad hapoh ka Scheme Training, 933 ngut ki samla ki la ioh jinghikai. Ha ka snem 2019-20, ka Single Window Agency ka la mynjur ban buh 41 tylli ki projek ha ka jylla da kaba bei tyngka 2152.16 lak bad kaba lah ban ai kam ia kumba 1834 ngut. Ha ka snem 2019-20 ha ka Micro and Small Medium Enterprises (MSME), 443 tylli ki unit ki la rejistar hapoh ka Udyog Aadhaar Memorandum ha ka jingbei tyngka kaba 6528.59 lak bad pynlah ban aikam ia 2638 ngut. Ha ka snem 2019-20, hapoh ka Prime Minister Employment Generation Programme, la buh 453 unit kaba lah ban ai kam ia 1132 ngut. Nalor kata, ka tnat ka la kyrshan pisa ruh ia kiba bun ki tamasa bad iew bah na ka bynta ki karkhana ban kyntiew ia ki mar jong ki ryngkat bad ka jingiarap pyniaid iew.
Ka jingshna ia ki surok hapoh ka skim “North East Road Sector

Development Scheme (NERSDS)” bad “North East Special Infrastructure

Development Scheme (NESIDS)” jong ka sorkar India ka la iaid shaphrang.

Kawei pat ka projek kaba bei tyngka nabar kata, ka Meghalaya Integrated Transport Project ka la sdang iaid shakhmat ban pynbha ia ki surok bah, ki surok ha ki distrik bad ki surok kiba pyniasoh ia ki jaka jngoh kai pyrthei.

Ka tnat Cooperation ka la buh kawei ka lad treikam ban iarap bad thaw dur thymmai ia ka Cooperative Movement ba kan long ka jingiatreikam paidbah ha kaban ai jingiarap bad ai jinghikai ia ki. Ka jingdon jong ki Cooperative Society kiba la rejistar ha ka jylla ka long 2005 kat haduh ka 31 tarik u Lber, 2020. Ka tnat ryngkat bad ka Meghalaya Basin Management Agency ka la rejistar 300 tylli ki Integrated Village Cooperative Society (IVCS) hapoh ka Meghalaya Livelihood & Access to Markets Projects (Megh-LAMP). Ka jingkyntiew ia ka kam jngohkai pyrthei ha nongkyndong lyngba ki Cooperative Society ka la long ka kamram ba kongsan jong ka tnat. Ka Meghalaya Village Development & Promotion Tourism Cooperative Society Ltd., Shillong kaba long ka State Level Federation ka don 24 tylli ki Primary Tourism Cooperative Society kaba iasnoh bad ka. Ka tnat ka la plie sa kawei ka sector ban rejistar ia ki cooperative society hapoh ka Conservation, Research & Development” da ka jingthmu ban wad ki lad ki lynti kumno ban sumar bad tyngkai ia ki jaka ba don ki jingkieng thied dieng ne Living Root bad ki spah ka mariang. Ka State Cooperative Facilitation & Information Centre la buh ha ka ophis jong u Registrar of Cooperative Societies ban iarap bad ai mynsiem ia ki samla bad ki samla bym don kam ba kin seng ki kam lajong lyngba ki cooperative.
Ka tnat Food, Civil Supplies and Consumer Affairs ka pynthikna ba ki nongioh myntoi kin ioh ia ki marbam hapoh ka National Food Security Act. Ka tnat ka la pyntreikam ruh ia ka Annapurna Scheme ha kaba la sam ia u khaw khlem donkam siewdor 10 kilo shibnai ia ki tymmen bad duna jingioh ki bym shym kdup ha ka National Old Age Pension Scheme. La sam ruh 15 kilo shibnai ia u khaw sha ki khynnah pule ha ki ST/SC hostel bad bad 5 kilo shibnai sha ki Vocational Training. Khnang ban pynpoi ia ki marbam sha ki nongioh myntoi, ka tnat ka la sdang ban pyntreikam da ki kor ki bor kompiwtor bad internet ban pynrung kyrteng ia ki nongioh mynta bad mynta phi lah ban peit da ka internet. Mynta ngi la lah ruh ban ioh na internet ia ka jingmang ia ki marbam sha ki dukan rashon. Ka jingtrei ban pynrung ia ki mobile nombar bad aadhaar nombar ruh ka la iaid shakhmat. Haduh mynta la lah ban pynrung 59,636 ki mobile nombar na ki 4,21,502 kiba don ha ka jingkhein. Hapoh ka Price Monitoring Cell scheme, la buh lai tylli ki Reporting Centre ha Shillong, Jowai bad Tura ban iarap ha kaba pyntip ia ki dor jong ki marbam ha ki iew ha kylleng ka jylla sha ka sorkar pdeng man ka sngi. Na ka daw jong ka khlam COVID-19, ka tnat ka la pyntreikam ia ki skim kum ka Pradhan Mantri Garib Kalyan Anna Yojana (PMGKAY) bad Atmanirbhar Bharat (ANB) katkum ka jingbthah jong ka sorkar pdeng ban pynthikna ba kiba duk bad kyrduh, ki nongtrei bylla nabar jylla bad ki nongshong shnong ki bym ioh rashon ki ioh ia ki marbam.
Ka tnat Labour lyngba ka Directorate of Employment & Craftsmen Trainig ka la lah ban trei radbah ban pyndep ia ka thong jong ka Skill India Mission. Ka tnat ka la pynthymmai bad buh ia ki Industrial Training Institute kiba thymmai bad ka la kyntiew ia ki jaka ai jinghikai kiba don lypa da ka jingiarap jong ka projek Supporting Human Capital Development ba bei tyngka ka Asian Development Bank. Kane ka projek kaba la sdang ha ka snem 2014-15 da ka jingshna ia ki Lab bad ki kamra pule ha ki 8 tylli ki ITI ki la jan dep. Hynrei, namar ka khlam COVID-19, ka jingtrei kaba dang sah ka la dkoh. Hapoh ka

Pradhan Mantri Kaushal Vikash Yojna bad Supporting Human Capital

Development, ka jingdon ki samla ba la ioh jinghikai ha ka jylla ka la poi sha ka 25,384 ngut naduh ka snem 2017. Ka sorkar ka la sdang ruh ban iarap ia kito kiba wanphai sha la ka jylla namar ka khlam COVID-19 bad ka la sdang ban rejistar ia kiba la wanphai na ka bynta ban ioh jinghikai treikam hapoh ka skim

PMKVY. Ka Strive Project (2018-23) ha kawei ka liang la pyntreikam da ka sorkar ha ITI Shillong bad ki jingpyrshang ki la iaid shakhmat ban kdup shuh sa laitylli ki ITI kum ka ITI (Women) Shillong, ITI Jowai bad ITI Tura. Ka thmu ruh ban kyrshan ia ki ITI bad Apprenticeship Training, kyntiew ia ka rukom hikai bad pule. Ka projek SANKALP (Skills Acquisition and Knowledge Awareness for Livelihood Promotion) la sdang ha ka 19 tarik Kyllalyngkot, 2018 da ka jingthmu ban pynkhlain ia ki jaka pule bad ban wanrah ki jinghikai treikam kiba iahap bad ka jylla bad kiba lah ban kyntiew ia ki samla. Hapoh ka SANKALP, ka MSDE ka la thung 11 ngut ki Mahatma Gandhi National Fellows kiba la ioh jinghikai na ka IIM (B) ha baroh ki 11 tylli ki distrik ban iarap bad kyrshan ia ki bor distrik na ka bynta 2 snem ban pynbha ia ki prokram ai jinghikai treikam. Hapoh ka Meghalaya Building and Other Construction Workers Welfare Board, la tyrwa bun ki skim sha ki khun jong ki nongioh myntoi na ka Maternity Benefits, Welfare Pension, ka jingsiew hadien ka jingkhlad noh u nongioh myntoi, ka jingiarap pisa ban leit pule bad 34,846 ngut ki nongtrei ki la rejistar haduh u Jylliew, 2020. Ka tnat Labour ka la pynthymmai ruh ia ka dor bylla na ka bynta ki Unskilled, Semi-Skilled, Skilled bad Highly Skilled ha ka dor 338/-, 383/-, 428/-, 473/- naduh ka 1 tarik Iaiong, 2020.

Ka Meghalaya Basin Development Authority (MBDA) ka thmu ban kyntiew ia ka rukom im jong ki nongshong shnong ka Jylla lyngba ka kam khaii kaba skhem, ka jingprat lynti da ki nongshong shnong hi ban pyndonkam ia ki spah ka mariang, kyntiew ia ka ioh ka kot ha ki thain nongkyndong bad ka jingpyniasnoh bad ki iew ki hat. La leh ia kane lyngba ka Externally Aided Projects (EAPs) bad kiwei pat ki prokram ban iatreilang bad ki kynhun na ki shnong ki thaw, ki kynhun treimon sngewbha, ki seng ki bym shim jingiohnong bad ki tnat bapher bapher jong ka Sorkar. Ha ka snem 2019-20, ka MBDA ka la iai bteng ban pyntreikam ia ki thong jong ka lyngba kine ki EAPs – Meghalaya Livelihood and Access to Markets Project lane Megha LAMP and Community Led Landscape Management Project lane CLLMP. Hapoh ka Megha-LAMP, la sdang ia ka kam ba iadei bad ka jingkyntiew ia ki spah ka mei mariang ha ki 1300 tylli ki shnong, la seng 300 tylli ki Integrated Village Cooperatives bad la shna surok kaba 219 kms ha ki jaka nongkyndong. Hapoh ka Community Led Landscape Management project, la thaw ia ka plan ban pyntreikam bad pynbha ia ki sawdong sawkun ha 400 tylli na ki jaka kiba julor tam ha ka Jylla ban iarap kyntiew bad pynlong ia ki kum ki jaka kiba seisoh kiba lah ban wanrah ia ka kamai kajih kaba skhem.. Shuh shuh, kane ka projek ka thmu ruh ban ai jingkyrshan ha kaban kyntiew bad jied ia ki jingtip jingnang kiba la hiar pateng na ki longshuwa manshuwa kiba long kyrpang ha kane ka jylla jongngi. Ka MBDA mynta ka dang pynkhreh ban sdang sa ia kawei ka projek kaba thymmai kaba kyrteng “Project for Community Based Forest Management and Livelihood Improvement in Meghalaya”, ia kaba yn bei tyngka da ka Japanese International Cooperation Agency (JICA). Kane ka projek ka thmu ban pynneh pynsah bad iada ia ki spah ka mei mariang kiba don hapoh ki shnong lyngba ka jingiada ia ki khlaw ki btap, kyntiew ia ka rukom im ki nongshong shnong bad pynkhlain ia ki seng hapoh ki shnong ki thaw kaban ialam pat sha ka jingiada ia ka mariang, ki mrad ki mreng, bad kyntiew ia ka ioh ka kot bad ka imlang sahlang jong ki nongshong shnong ka Meghalaya.
Ban pynbha shuh shuh ia ki jingtreikam jong ka sorkar lyngba ki jingstad ka juk mynta, ka e-Governance, ka Sorkar Jylla kan pyntreikam ia ka Meghalaya Enterprise Architecture (MeghEA), kaban pynthikna ban wanrah ia ka jingkylla kaba khraw ha ka jingshakri jong ka Sorkar da kaba kyllum lang ia baroh ki jingshakri tang ha kawei ka e-platform, kaban ai jingiarap shibun ha kaban pynioh ia ka jingshakri kaba iaid beit iaid ryntih, kaba kham pynsuk hapdeng ki tnat sorkar, ki paidbah bad ki jaka khaii pateng ha ka Jylla. Ia kane ka projek yn lamkhmat da ka Finance Department bad lah khmih lynti ban pyntreikam ia kane ha ka snem 2020-21. Ia ka Meghalaya Public Grievance Redressal and Monitoring System (MEGPGRAMS), kaba long ka jaka ban phah bad ioh jingiarap ia ki jingujor, dang shen la lah ban pyniasoh bad ka Central Public Grievance Portal. Shuh shuh, ia ka CM Whatsapp Based Grievance system lah ban pyniasoh sha ka State Portal khnang ban lah ban peitngor bad pynbeit ia baroh ki jingujor. Nalor kata, kum ka jingpyntreikam ia ka jingia bhah ia kito kiba don jingduna ha ki dkhot met, ka Cabinet jong ka sorkar dang shen ka la mynjur ia ki 100 tylli ki mat ban ai bhah ia kito kiba don jingduna ha ki dkhot met.
Ka Sorkar Jylla ka la sdang ia bun tylli ki prokram na ka bynta ka District kaba la shah jied Kyrpang, kata, ka Ri Bhoi kiba kynthup ia ki kam kiba kham kongsan kum ka Koit ka Khiah & Bam Tei Met, ka Rep ka Riang bad kam Sam Um, jingshakri ha ki kam Pisa Tyngka, Skill Development (Kyntiew ia ka sap treikam) bad ki Jingdonkam ba Man ka sngi ia kaba la dep ithuh da ka NITI Aayog khnang ban lah ban kot sha ka thong shuwa u 2030. Ka Sorkar Kmie na ka por sha ka por ka khmih ia ki rukom pyntreikam ia ki prokram bapher bapher lyngba ka dashboard ba la ai kyrteng ka “Champion of Change”. Ka Ri Bhoi dang shen ka la wan ha ka kyrdan ba-ar ha ka delta rank na ka bynta u RymphangJylliew 2020 napdeng bun tylli ki District kiba kyrpang ha ka Ri. Ka District ka la shim ruh bun ki lad ki lynti ban kyntiew ia ka Pule Puthi ha kaba ka jingpynleit jingmut ka long ban iohi ia ka jingseisoh na ki jingai jinghikai; jingkiew jong ki nongpule na ka primary sha ka upper primary bad ter ter shaduh ka kyrdan secondary school; ka jingioh kyllum ia ki marks ha ka Mathematics bad Languages ; pynbha ia ki jaka pule kum ka jingpynbiang ia ki jaka leit shabar jong ki kynthei, um dih, bording bad kiwei kiwei.
Kawei ka ki lada kamai jakpoh kaba la shah ktah jur tam ha ka khlam COVID-19 ka dei ka kam jngoh kai pyrthei bad ki jaka ba ai jingshakri ia ki nongwan jngohkai pyrthei. Ka kam jngohkai pyrthei ka long kawei na ki shlem kaba kongsan tam kaba kynkiew ia ka Jylla ha kiba bun ki liang bad ka thong mynta ka long ban kyntiew ia ka bhah jong ka kam jngoh kai pyrthei sha ka GDP jong ka Jylla na ka 3% kaba long baroh shi katta sha ka 15%. Ka Meghalaya ka long ka jaka kaba biang bha ban kyntiew bad pynskhem ia ka kam jngoh kai pyrthei bad ka thong ka long ban pynlong ia ka Meghalaya kum ka jaka jngohkai pyrthei kaba kynsai. Kum ka jingsdang ban kynjoh sha kane ka thong, la sdang ia ka jingpynkhreh ia ka master-planning na ka bynta ki jaka jngohkai kiba kham hakhmat, kum ka Wah Umiam ha Ribhoi, Wah Umngot ha West Jaintia Hills, ka Nokrek Biosphere Reserve bad Balphakram National Park ha Garo Hills, Sohra ha East Khasi Hills, Mawkyrwat bad Jakrem ha South West Khasi Hills bad kiwei kiwei ki jaka jong ka Jylla. La sdang ruh ia ka kam hapoh ka Skhim Swadesh Darshan jong ka Ministry of Tourism ban shna thymmai ia ki katto katne tylli ki jaka jngoh kai ha West Khasi Hills, Jaintia Hills bad Garo Hills bad ka thong ka long ban pynthikna ba ia baroh ki projek la pyntreikam katkum ka master-plan khnang ban kyntiew ia ka jingiohnong na kine ki jaka jngoh kai. Ia kane la tyrwa ban bei phon pisa na ka New Development Bank. Shuh shuh ka tnat Tourism ka la pyntreikam ruh ia ka prokram ban pyntbit ia ki samla ka jylla ban pynkhreh ia ki na ka bynta ban lah ban ai ki jingshakri kiba kham paka ha ka liang ka bam ka dih ka thiah ka dem ha kaba haduh mynta lai kynhun ki la pyndep ia ka jingshah pyntbit. Ka Meghalaya kaba don ia ka spah ka mei mariang, ka suin bneng kaba pyngngad, ki riti dustur kiba kham pher na kiwei, ha kine ki sngi ka la long kawei na ki jaka jngoh kai pyrthei kaba khriang ia ki briew na kylleng. Ki kam ba la leh da ka Sorkar ha ryngkat ka jingkitkhlieh ba la shim da ki nongshong shnong ka la wanrah ia kane ka jingkiew ha ka kam jngoh kai pyrthei ha ka jylla. Na ka bynta ban kyntiew shuh shuh ia kane ka kam, ka tnat ba dei khmih ia ka kam jngoh kai pyrthei ka la wanrah ia kiba bun ki jingdonkam ba iadei bad ka bha ka miat ki nongjngoh kai pyrthei kaba kynthup ia ka jingpynbiang ia ki jaka sah ha kaba ia ka jingpyntreikam bad pynbiang ia ki jingdonkam ha kine ki jaka sah la aiwai sha ki riew shimet bad la kyntiew ruh ia ki jingdonkam ha ki jaka jngoh kai pyrthei da ka jingkyrshan lang ki nongioh jingmyntoi bad ki kynhun na ki trai shnong. Kane tnat ruh ka la iai kyrshan ia ki trai shnong ba don sap ban shna ia ki Home-Stays bad Resort hapoh ka Meghalaya Tourism and Investment Promotion Scheme.
Hapoh ka Chief Minister’s Social Assistance Program, palat shi lak ngut ki riew tymmen bad kiwei pat kiba ioh ia ka bai bam tymmen mynta ki la ioh ia ki bai bam tymmen jong ki ha ka taiew kaba nyngkong man u bnai, haba ia nujor bad ka jingpynsahteng da 6-12 bnai ha ki por mynshuwa. Lah sdang pyntreikam ruh ia ka jingai jingmyntoi hapoh ka National Social Assistance Programme jong ka Sorkar India lyngba ka DBT mode naduh u September, 2019.
Ka long kaba donkam ban thaw ia ki lad ki lynti kiban ai mynsiem ia ki samla ban ieng ha la ki jong ki kjat. La sdang ia ka jingai khusnam lyngba ka Entrepreneur of the Month Award kum ka sien jam kaba nyngkong ban pynshlur shuh shuh ia ki samla kiba treikam lajong. Ha u Nailar, 2019 la sdang ia ka Chief Minister’s E-Champion Challenge ban jied bad ithuh ia ki 100 tylli ki jait kam ba la pyntreikam ha ka Jylla. Ha ka jingiakhun kaba nyngkong duh kaba la sdang ha u Nailur, 2019 la iohi ba haduh 700 ngut ki la wan ban aplai, ha kaba na kine la jied tang 100 ngut bad ia ki la pynkupburom ha ka Meghalaya Entrepreneurship and Start-up Summit kaba nyngkong duh kaba la long ha u Kyllalyngkot, 2020. Ia ka prokram kaba hakhmat jong ka Jylla ban kyntiew ia kiba treikam lajong ia kaba la ai kyrteng ka PRIME – Promotion of Innovation and Market-driven Enterprises la sdang ha kaba hapoh jong ban buh ia ki PRIME hubs ha ki jaka bapher bapher jong ka Jylla kaban long kum kawei ka iew ha kaba yn buh ia baroh ki jingshakri bad mar ba pynmih ki nongsengkam.
Ka tnat Sports & Youth Affairs ha ka jylla ha ka jingiatreilang bad ka Meghalaya State Olympic Association ka la pynlong ia ka Meghalaya Games naduh ka 17 tarik Rymphang – 21 tarik Rymphang, 2020 ha kaba la iohi ia ka jingiashim bynta palat 2000 ngut ki nongialehkai ha ki 14 jait ki jingialehkai. Ka jingpynkhreh ka la nang iaid shkhmat ban pynlong ia ka National Games kaba 39 ha Meghalaya ha u 2022. La pynkhreh ba ka P.A Sangma Stadium, Tura bad ka J.N. Stadium, Shillong ba kin long ki artylli ki madan kiba nyngkong ia kiba yn pynthymmai da ki jingdonkam kiba katkum ka juk mynta. La khmih lynti ba ia kane ka kam yn sdang ha u Risaw 2020. Ka tnat ka dang pynkhreh ban phah ia ki jingai jingmut sha ka Sports Authority of India ban ioh ia ka jingithuh kum ka

State Level Centre of Excellence na ka bynta ki jingdonkam ha ki katto katne tylli ki jaka ialehkai ha ka Jylla. Kane ka jingithuh na ka SAI kan ai bor shuh shuh ban pynioh ia ki jingiarap pisa bad kiwei kiwei de ki jingkyrshan. Ka Sorkar Meghalaya ka dang pynkhreh ruh ban wanrah ia ka online course na ka bynta kito kiba trei ha ki kam ialehkai, ki coach bad kiwei kiwei ha ka Jylla. Ka Tnat lyngba ka NYIK bad ki NSS ka la iarap shibun ia ka Sorkar Jylla, ka Tnat ba khmih ia ka Koit ka Khiah, ki Bor Distrik ha ki kam ba iadei bad ka jingiakhun pyrshah ia ka khlam COVID-19.

Ka tnat Social Welfare ka la pyntreikam ia ki skhim bapher bapher na ka bynta ki briew kiba duna ka ioh ka kot da kaba wanrah ia ki kam ban kyntiew ia ki Kynthei, Khynnah, ki riew Tymmen, kiba Pang ba Shitom bad ba Duk ba Kyrduh bad kumjuh ruh ia kito ki briew kiba don Jingduna ha ki Dkhot Met. Ia kine ki kam kiba kynthup (i) Ka Jingai Bam Tei Met (ii) Ai Tika (iii) Check-up ia ka Koit ka Khiah (iv) Jingshakri ban phah sumar (v) Ai jingtip halor ki bam tei met & Pule Puthi bad (vi) Ki skul na ka bynta ki khynnah rit la ai jingshakri da ki 5896 tylli ki Anganwadi. Ha u snem 2019-20, la lah ban ai tika haduh 86 na ka 100 ngut ki nongshong shnong. Ka prokram ba hakhmat jong ka Sorkar, ka POSHAN ABHIYAAN, ia kaba la sdang ha ka 8 tarik Lber 2018 kaba thmu ban kyntiew ia ka jingpynioh ia ki bam tei met ia ki khunlung khynnah, ki longkmie ba armet bad ki longkmie ba dang ai buiñ khun ka long ka kam kaba dang iai bteng haduh mynta.

Watla ka khlam COVID-19 ka la ktah shibun ia ka koit ka khiah ki paidbah ha kaba pynbiang ia ki bam tei met, ki nongtrei Aganwadi ki la trei met bad mynsiem ban pyndep ia la ka kamram ba la bynshet ha ki. Nalor kata, ki nongtrei Aganwadi jong ngi ki la long kum ki shakri kiba hakhmat ha ka thma ban iakhun pyrshah ia u COVID-19 da kaba rung sha man ki thliew iing ban leh ia ka contact tracing, peit ia ka jinglong jingman ka koit ka khiah jong ki tymmen ki san, sam ia ki tiar kiba donkam sha ki longing longsem, ai ia ki jingtip kiba paka bad pynsngewthuh ia ki briew halor ki lad ban iada ialade na kane ka khlam. La buh ia ki One-Stop Centre ha baroh 11 tylli ki Distrik Headquarter bad ia kine la pyniasoh bad u nonbar ‘181’ u nongbar ban ai jingiarap ia ki Kynthei . Ka tnat ka la pynbna ruh ia ki polisi ba la tip kum ka Meghalaya Drug Abuse Prevention Policy, 2020 bad ka Meghalaya State Policy for Empowerment of Persons with Disabilities, 2019. Hapoh ka Chief Minister’s Social Assistance Scheme, la ai jingiarap ia 1,06,334 ngut ki nongioh jingmyntoi kiba kynthup ia kiba pang ba shitom, ki longkmie bym don nongkyrshan bad ki briew ba don jingduna ha ki dkhot met. La iai pyrshang ruh ban pynthikna ba ki nongioh jingmyntoi kin ioh beit ia ka bai bam kaba T.500/- man u bnai. Hapoh ka Accessible India Campaign, la lah ban ithuh haduh 136 ki jingtei iing ha kaba la pyndep ia ka Access Audit.

Ka Transport Department ka la pyntreikam ia bun tylli ki skhim ban kyntiew ia ka kam kaba iadei bad ka leit ka wan ki paidbah. Dang shen, kane ka tnat ka la lah ban pyndep ia ka kam ban pyniar ia ka Kad Liengsuin ha Umroi khnang ba ki Liengsuin kiba kham heh ruh kin lah ban wan hiar. Ka Sorkar Jylla ka la rai ruh ban buh ia la ka jong ka Helipad (jaka hiar ki Helicopter) lada long kaba lah ha New Shillong bad ia ka jaka halor kane ruh ka dep ban jied khnang ba kane ka Helipad kan don ha ka Headquarter jong ka Jylla. Ka la don ruh ka jingtyrwa ban buh ia ki Helipad ha kiwei kiwei ki District Headquater. Ka Sorkar ka la dep pynbna ruh ban sa pyntreikam noh ia ka Meghalaya State Weighbridges Policy, 2018 bad Integrated Weighbridge-cum-Checkpoints. Ka jingshna ia ka jaka ban sangeh ki bos ba wan na shabar ka Jylla (Inter State Bus Terminal) ka la jan dep haba 83% na ka kam la lah ban pyndep bad ka por ban pyndep ka long 31 tarik Nohprah 2020. Ka Tnat dang shen ka la khot Tender ban buh ia ki Auto Emission Testing Station ha baroh ki Distrik nalor ki Testing Station kiba la don lypa bad ka jingkhot Tender ruh ka la jan dep. Shuh shuh, la pynkhreh ruh ban buh ia kane ka juh ha baroh ki jaka Die Umphiang kali ha ka Jylla bad kane ka long katkum ka jingbud ia ki jingbthah ka Indian Oil Corporation (IOC). Khnang ban lah ban kyntiew ia ka jingpynmih pisa bad lum pisa, ka Transport Department ka la pynthymmai ia ki dor ban registar ia ki kali bad kumjuh ruh ia ka dor khajna jong ki kali kamai. Nalor kata, ka la shah ruh ia ki paidbah ban book lypa ia la ki jong ki nombar kali bad la dep buh ruh ia ka dor ban book ia u nombar kali. Shuh shuh, ia ka dor ban test ia ka pollution jong ka kali ruh lah pynthymmai ban kyntiew ia ka jinglum pisa jong ka tnat. Ia ka jinglum pisa na ki khajna kali bad ki kuna bad kiwei kiwei la leh da ka Enforcement Wing bad ka District Transport Offices, Regional Transport Authorities bad ka State Transport Authority. Ka pisa ba la lum da ka tnat ha ka snem 2019-20 ka la kot sha ka T. 1,01,94,66,591 (Shispah Iwei Klur, Khyndai Phew Saw Lak, Hynriewphew Hynriew Hajar, Sanspah Khyndaiphew wei Tyngka). Nalor kata, ha ki District Office la dep shna ruh ia ka mobile application ba la tip kum ka M-Parivahan. Kine ki application kin iarap ia ki paidbah ban Buh Thup ia ki Digital Record lane Registration Certificate jong ka kali jong ki bad kumjuh ruh ia ka laisen niah kali jong u nongniah. Kine ki ophis ki pynbiang ruh ia ki online service na ka bynta ki Laisen niah Kali, Registration ia ki Kali, aplai ia ki Learner License bad kiwei kiwei de ki jingdonkam ba iadei bad ki kali khnang ban pynsuk ia ki paidbah.
Ka Community & Rural Development Department ka la pyntreikam ia kiba bun ki prokram ban ialeh ban weng ia ka jingduk jingkyrduh ha ki thain nongkyndong. Ha u 2019-20, hapoh ka Mahatma Gandhi National Rural Employment Guarantee Scheme (MGNREGS) la pynlut haduh T.109,838.94 lak bad la lah ban pynmih 370.22 lak ki briew ba trei ha ki kam sngi. La lah ban pyndep ruh ia ka jingpyniasoh ia ka MGNREGS bad ki skhim jong kiwei pat ki tnat Sorkar kum ka Fisheries, Agriculture, Soil and Water Conservation, Jal Shakti Abhiyan bad kiwei kiwei. Ha u 2019-20 hapoh ka Pradhan Mantri Awaas Yojana (Grameen) (PMAY-G) lah pynlut T.5815.939 lak bad la lah ban pyndep haduh 11,663 tylli ki iing. Ha u 2019-20, hapoh ka National Rural Livelihood Mission (NRLM) la kyntiew ia 10329 tylli ki Self Help Group (SHG) bad la pynlut T.73.00 klur. Ha u 2019-20, hapoh ka Deen Dayal Upadhyaya Grameen Kaushalya Yojana (DDU-GKY), la lah ban ai jinghikai ia 1490 ngut bad 686 ngut na ki la jied ban ai kam ai jam. La pynlut T. 10.82 klur. Ka Sorkar Kmie ka la sdang ia ka Shyama Prasad Mukherji Rurban Mission (NRuM) khnang ban pynshlur ia ka jingkyntiew ia ka ioh ka kot ha la ka jong ka jylla, kyntiew ia ki kam kiba kham kongsan bad thaw ia ki lad ki kynti ban pyniasoh ia ki shnong nongkyndong bad ki sor lyngba ki Urban cluster. Ka ChisimApal cluster ha North Garo Hills district ka la ioh jingmynjur na ka Sorkar Pdeng ha ka bynta kaba nyngkong. Ka Mawlangwir bad Amlarem cluster ha South West Khasi Hills bad West Jaintia Hills district ki la ioh jingmynjur na ka Sorkar Pdeng ha ka Phase kaba ar. Ka Hatisil Cluster ha South West Garo Hills District ka la ioh jingmynjur na ka Sorkar Pdeng ban pyntreikam ia kane ka skhim ha ka Phase ba Lai. Ha u 2019-20 la dep mang T.4.05 klur hapoh jong kane ka skhim. Hapoh jong ka National Social Assistance Programme (NSAP), la pyntreikam ia ki saw bynta jong kane ka skhim. Ha u 2019-20, la pyndonkam T..3262.573 lak bad 48,354 ngut ki nongioh jingmyntoi ki la ioh jingiarap hapoh ka Indira Gandhi National Old Age Pension Scheme (IGNOAPS). Ha u 2019-20, la pyndonkam T. 621.309 lak bad 7631 ngut ki nongioh jingmyntoi ki la ioh jingiarap hapoh ka Indira Gandhi National Widows Pension Scheme (IGNWPS). Ha u 2019-20, lah pynlut T. 125.526 lak bad 1,464 ngut ki nongioh jingmyntoi ki la ioh jingiarap na ka Indira Gandhi National Disability Pension Scheme (IGNDPS). Ha u 2019-20, lah pynlut T. 73.88 lak bad 369 ngut ki nongioh jingmyntoi ki la ioh jingiarap na ka National Family Benefit Scheme (NFBS). Ha u 2019-20, la mang kyllum T.10.00 klur ban Shna ia ka Iew Nongrep ha Jengjal, West Garo Hills district hapoh ka Grant hapoh ka Article 275 (1). Ha u 2019-20, la mang T.109.00 klur hapoh ka Special Rural Works Programme (SRWP). Ha u 2019-20, hapoh ka Chief

Minister’s Special Rural Development Fund (CMSRDF), la mang T.21.82 klur.

Ka Meghalaya ka don ha ka kyrhai ka spah na ka mei mariang. Ka jingdon u dewiong haba khein antad ka long 576 million ton bad u dewiong na Meghalaya u long uwei na kiba bha tam ha ka ri ha kaba u long uba duna dpei bad uba bun ka calorific value. Ka jylla ruh ka don haduh 9304 million ton u mawshun uba bha tam bad ka long ruh kaba riewspah ha ka jingdon ia kiwei pat ki mar kum u shyiap, mawsiang, maw siang surok, mawlein, khyndew shna mawiit bad kiwei kiwei. Ka long kaba donkam ba ngin lah ban kyntiew ia ka jingtih ia kine ki mar poh khyndew da kaba pyndonkam ia ki jingstad ka juk mynta khlem da ktah lane pynjot ia ki sawdong sawkun ka mei mariang. Ka tnat ka shim ia ki sien jam ban sdang ia ka rukom tih dewiong kaba long katkum ka jingstad saian bad ka bym ktah ia ka mei mariang ha ka jylla. La pynlong ruh ia ki prokram ia jingtip sha ki trai par dewiong halor ki rukom tih dewiong kiba katkum ka jingstad saian. Ka Tnat ka la sdang ia ka kam ban aibor ia ki trai khyndew ban ai ia ki laisen kiba biang bad ruh ia ka jingaiwai ban tih ia ki mar poh khyndew kiba kham kongsan, kynthup ruh ia u dewiong katkum ki Kyndon bad ki Ain ba la buh. Ban kyntiew ia ka rukom tih marpoh khyndew kaba paka bad kaba katkum ki jingstad saian, la dep pynkhreh ia ki District Survey Report na baroh 11 tylli ki distrik khnang ba ki paidbah kin lah ban ioh ia ka environmental clearance bad ki mining leases hapoh ka Meghalaya Minor Mineral Concession Rules, 2016. Lah pynthymmai ruh ia ka Mineral Transport Challan, ha kaba la buh ha ka ia ki muhor, ki shap (Hologram, fugitive ink), QR Code khnang ban lah ban kyntiew ia ka jinglum khajna na ka jingshalan ia ki marpoh khyndew. Ka Sorkar ka la pynkiew ruh ia kiwei ki mar haba ai ia ka Mineral Transport Challan na ka 9 MT sha ka 12 MT shi trok khnang ba kan don ka jingmyntoi haba kit ba bah ia u mar poh khyndew. La pynkhreh ruh ban sdang ia ka projek ban buh ia ki kor kompiwtor ha ki checkgate ba la tip kum ka ‘Meghalaya Mineral Truck Scanning and Monitoring System (MMT-SMS)’ khnang ban lah ban khmih kham bha ia ka kit ka bah ki kali kit mar bad ruh ban lah ban bat ia ki kali kiba thmu ban shalan be-ain ia ki mar. La pynkhreh ruh ia ka Action Plan ban pynbha pat ia ki sawdong sawkun kiba la shah ktah na ka jingtih dewiong bad ruh ban pyntreikam ia ki kyndon ka Meghalaya Environment Protection and Restoration Fund (MEPRF). La sdang ruh ia ka projek kaba radbah ban pynkhuid ia ki wah/ki wah duid ba la shah ktah na ka Acid Mine Drainage (AMD) na ka daw ka jingtih dewiong ha kaba ka CSIR- Central Institute of Mining and Fuel Research (CIMFR) ka la pynkhreh ia ki kor ki bor ban pynkhuid ia ka Acid Mine Drainage (AMD).
Ka Surok ka long kaba donkam tam kaban wanrah ia ka roi ka par na baroh ki liang ha ka jylla. Kumta ka long kaba donkam ban ioh ia ki surok kiba paka na ka bynta ban kyntiew ia ka ioh ka kot jong ki paidbah nongshong shnong. Ka Jylla ka don ia ka surok kaba 10614.099 km. ha kaba ka jingheh jong ka ka long 47.80 Kms/100 Sq. Km kaba dang duna palat na kaei kaba dei ban long kata 170 km/100 sq.km. kumba long ha ka ri baroh kawei. Lah dep ban jied ia ki katto katne ki surok ha ka jylla (State-road bad National Highway) na ka bynta ban Pynbha/Pyniar sha ki 2-lane ia kaba yn pyntreikam da ka National Highway Authority of India (NHAI), ka National Highways and Infrastructure Development Corporation Ltd (NHIDCL) bad ka tnat PWD jong ka jylla. Lah pyndep ia lai tylli ki projek hapoh jong ka NHAI. Ki projek ba la sdang hapoh ka jingkhmih ka NHIDCL ki long ka surok Ranikor—Maheshkhola—Baghmara bad Tura-Dalu, kiwei pat ki projek mynta ki dang sdang kum ka Jingpynioh jaka, Jingioh bor na ka Forest, pynkynriah ia ki jingdon jingem bad kiwei kiwei. Ka

Projek ba la tip kum ka “Improvement/Widening of Shillong -Dawki Road NH40 under JICA funding” ka long kawei na ki projek kiba kongsan tam ha ka Jylla bad mynta ka NHIDCL ka dang leh ia ki kam kiba iadei bad ka jingkhot ia ki tender. Ha ka snem mang tyngka 2019-20, hapoh ka Rural Infrastructure Development Fund (RIDF-XXV), la mang tyngka ia 31 (laiphewwei) tylli ki projek kaba la kot sha ka T. 269.97 klur ha kaba ka jingjrong jong ka surok ka long 74 km. kyllum lang. Ia kine ki projek mynta dang khot Tender. Ka Ministry of DoNER ka la mang tyngka ia 2 (ar) tylli ki projek hapoh ka North East Special Infrastructure Development Scheme (NESIDS) kaba kot T. 45.45 klur. Sa 2 tylli kiwei pat ki projek kiba jrong 76.89 km. la mang tyngka da ka NEC hapoh ka North East Road Sector Development Schemes (NERSDS). Baroh kine ki kam ki dang iaid shakhmat mynta. Ha une u snem mang tyngka 2020-21, lah buh thong ban shna 40 Km ki surok thymmai bad siang rong ia 96 Km ki surok khyndew.

Nalor kine, lah buh thong ban shna 937 Rm ki jingkieng RCC na ka pisa jong ka State Plan. Hapoh u 2019-20, 309 tylli ki projek lah dep mang hapoh ka General State Plan kaban kot sha ka T.442.72 Klur. Ha ka mang tyngka 2019-20, la dep shna 48 tylli ki surok thymmai, 106 km ki surok khyndew lah dep ban siang rong bad la dep shna 355 Rm ki jingkieng RCC ia kiba la mang tyngka na ki heads of accounts bapher bapher jong ka Sorkar Pdeng bad Jylla ruh kumjuh.

Ka jylla ka la mad ia ka shongsuk shongshngain ha kane ka snem 2019-20. Ngi la lah ban rakhe ia ki sngi khraw ha ka rukom kaba ishongkun bad ngi la lah ban pynlong ia ki tamasa bad ki jinglehniam tynrai khlem don jingthut.
Ngi pynthymmai la ka kular ban shim ka jingkitkhlieh ban shakri ia u paidbah jong ngi da ka jingieit. Haba nga pynkut, nga khot ia phi baroh ba phin ia ieng tylli ha ka jingialeh jong ngi ban wanrah ia ka shongsuk shong shngain khnang ba ngi lah ban jam shakhmat ban ioh ia ka roi ka par. Nga kyntu ia ki kmie ki kpa ba kin ai ka por kaba kordor ban ialam bad btin lynti ia la ki khun ba kin bat ia ka burom ka akor bad iaieit para briew khnang ba kin long ki nongshong shnong kiba myntoi. Nga snoh kti lang bad ki para nongshong shnong ban teh lakam ia ka jingsaphriang ka Coronavirus. Nga shim ruh kane ka kabu ban ai khublei ia ki nongtrei kiba ha khmat duh, kynthup ia ki doktor, ki nos bad ki nongtrei ka koit ka khiah kiba la trei shitom ban iada ia ki briew jong ngi.

KHUBLEI!!! MITELA!!! JAI HIND!!!