Ka jingkren u Myntri Rangbah ka jylla sha ki paidbah

Syllad | The Rising MeghalayaMarch 20, 2020

Para nongshong shnong baieid,

Ha kane ka por jong ka jingsaphriang ka jingpang ha shi tyllup ka pyrthei, ngi donkam ia ka jingiatreilang jong man la iwei pa iwei I nongshong shong ban iakhun pyrshah ia ka jingpang Coronavirus.  Ym pat shim la don mano mano kiba ioh ia kane ka jingpang ha ka jylla jong ngi, hynrei  ha kine ki saw taiew ban wan kidei ki taiew kiba kyrpang bha na ka bynta ka jylla jong ka jong ngi ba pynsangeh ia ka jingsaphriang une u khniang jingpang.

Nga kyrpang ia man la iwei pa iwei I nongshong shnong jong ka jylla ba kidei ban bud ia ki kyndon bad jingbthah ba la ai da ka sorkar jylla. Nga kyrpad ia man la iwei pa iwei I nongshong shnong ba kidei ban pynsangeh shwa ia ki kam shimet, ki jingtrei bad ki kam ha ka imlang sahlang ha kum kane ka por ba kongsan.

Lashasi ka sngi kaba long ka 21 tarik u Lber, 2020 ngin ia pynlong ia ka kum ka sngi ban pynsaphriang jingtip shaphang ka jingpang Coronavirus ne ka Coronavirus Awareness Day (CAD) ha kaba baroh ki jaka treikam sorkar, ki bank (sorkar bad shimet), ki jaka pule, ki jaka paidbah bad ki iew ki hat kin khanglut, kumjuh ruh yn ym shah ban iaid kino kino ki kali paidbah.

Nga kyrpad ia ki nongshong shnong ba kim dei ban shim ia kane kum ka jingkhang khyrdep ia ka shnong ka thaw; hynrei ban shim ia ka kum ka dak jong ka jingpynsaphriang jingtip bad iada na ka jingsaphriang ka jingpang coronavirus ha ka jylla.

Nga kyrpad ia ki paid nongshong shong ba kidei ban shim ia kane ka sngi kum ka sngi ba kin pynleit jingmut bad sngewthuh khambha shaphang kane ka jingpang kaba la saphriang ha kylleng ki jaka.

Nga kyrpad ia baroh ki paid nongshong shnong baieid ba kin pyntip sha ki rangbah shnong la phi la wan jingwan ne em ha kine ki 14 sngi ba la leit noh ba lada phi la leit ne em sha ki ri kiba kane ka jingpang ka la khie, kumta lada don kiba la leit jingleit la kyrpad ia ki ba kidei ban shong ha iing 14 sngi bad kidei ruh ban kiar na ka jingiakynduh briew. Ka shimpor haduh 14 sngi eiei ba ki dak ki shin jong ka jingshitom kan paw ne kan ym paw, kumta sngewbha ban pyntikna ba phin phikir ia lade bad ia kiwei bad kumjuh ban iada ia kiwei pat bad ia ka shnong jka thaw ka jong phi.

U Rangbah shnong udei ban ai jingpynshai ia ki briew kiba la wanphai na kino kino ki jaka kaba la khie kane ka jingpang bad ba kidei ban pyntip sha ki DC office ha kine ki lai rukom.

1. DA KABA PHONE ha u Helpline Nombor 108
2. DA KABA PYNRUNG KYRTENG LYNGBA KA ONLINE REGISTRATION SYSTEM ha ka  http://meghalayaonline.gov.in/covid
3. DA KABA PHONE SHA KA DC OFFICE CONTROL ROOM

Ki nongtrei ka koit ka khiah ne ki Medical Volunteers/ District Surveillance Team kin sa ia kren kito ki briew lyngba ka phone lane ki lah ruh ban leit sha iing jong ki bad ai ki jingbatai kiba bniah kumno ban sumar ia ki bahaiing hasem ha kine ki 14 sngi.

Nga kwah ban pyntip shaphi ba ka sorkar ka la shim khia bha bad ka la shim ruh ia ki lad ki lynti kiba donkam ban pynbiang ia baroh ki jingdonkam jong ki nongshong shnong kumta nga kyrpad ia iwei pa iwei I nongshong shnong ba kim dei ban khih khuslai hynrei ban long kiba jai jai bad ngim dei ruh ban niewbein ia kito ki briew kiba ngi suba ba ki la ioh ia u khniang jingpang coronavirus.

Ngi die ban kynmaw ba ka ri India jong ngi ka dang don ha ka bynta ba- ar jong ka jingsaphriang u khniang jingpang bad man la iwei pa iwei I nongshong shnong idei ban shim ia ka bynta jong kid a kaba pyntika ba ka ri jong ngi kan ym poi sha ka bynta kaba 3 ne 4 jong ka jingsaphriang. Ka jingiap na kane ka jingpang corona virus ka long kumba 2.5 na ka shispah kumta ka ri namar ka jingdon jong ki nongshong shnong ka long palat 1 billion ngut ki briew, namar kata ka lah ban ialam sha ka jingiap jong kiba bun ngut ki briew. 

Na kata ka daw, ka long kaba donkam ban bud ia ki kyndon ba la bthah khnang ba ngin ioh ia ka jingjop, kumta nga kyrpad ia baroh ki briew ba kin kiar na ki jaka ba bun briew (kata ka long ban ym iajan than iwei na iwei) ban pynkhuid bha ia ki kti bad ban phikir haba ring bad pynhiar mynsiem.

Phi dei ban iada ia lade, ia ki bahaiing hasem bad ka imlang sahlang baroh kawei.