Ka Jingkyrpad
Ha kaba iadei bad jingkhangdam (Lockdown) ha baroh kawei ka ri India ban iada naka jingpur ka khlam COVID-19 na ka liang jong nga, nga kwah ban kyrpad ia baroh ki nongshong ka Constituency ban kin sngewbha ban bud ryntih iaki kyndon ba la buh da ka District Administration, West Jaintia Hills District.
Nga kyrpad ruh iaki nongshong shnong ban don ka jingiatreilang bad ki Dorbar Shnong bapher bapher da kaba shong khop hapoh iing, kiar na ka jingmih shabar sha lait, ban don ka jingia jngai uwei na uwei (Social Distancing), deng iaki jingda khmut (Mask) bad ban sait khuid iaki kti.
![](https://www.syllad.com/wp-content/uploads/2024/09/JIT-Vacancy-823x1024.avif)
Nga ai ka jingiarohh ia baroh ki Dorbar Shnnong kiba la shim iaka lyngkor bakhia ha ka ban iatreilang bad ka sorkar na ka bynta ka bha ka miat jong ka imlang sahlang bad ki shnong ki thaw.
Nga ai khublei ruh iaki nongiarap (Volunteer) jong ki shnong bapher bapher kiba la mih shakhmat ban pyniaid beit pyniaid ryntih iaki kam.
Nga sngewthuh ba hakum kane shibun ki jingeh jingshitom kiba ki iakynduh hynrei nga ngeit skhem ba da ka jingiatreilang ryngkat bad da ka jingdon jong U Blei Kynrad ngin lait na ka khlam COVID-19.
Shihajar Nguh
A Andrew Shullai | MDC | Jowai Central
Leave a Reply