Ka jingkyrpad naka ïing ka sem (L) SK Sunn, MLA

Syllad | The Rising MeghalayaSeptember 11, 2021

Ngi na ka liang ka ïing ka sem jong (L) S.K Sunn, MLA, ngi kyrpad ïa phi ki paralok parajor, ki parakur parakha ba sngwbha ban nym wan paidbah ban sngewlem, namar ka jingkhlad noh ka jong I ka dei na ka daw jong ka COVID-19, kaba donkam lang ïa ngi baroh ban ngin kiar ne ban pynïajngai kyrpang, khnang ban lait na ka jingsaphriang jong ka.

Kum ka ïing ngi tip ba ka mynsiem bad ka dohnud ka jong phi kam hun kam suk ban khlem da wan jngoh ne ai khublei khatduh  ïa I, pynban ka por kam shah, hynrei ngi da kyrpad rit ïa phi baroh, ba to buh lem tang ha ka jingdwai ba ka mynsiem ka jong I kan poi suk poi saiñ sha  dwar u Blei bad kumjuh  ban buh jingdwai lem ka ïing ka sem ba ngin ioh ïa ka mynsiem jong ka jingtngen bad kaba palei ha kum kane ka por kaba ngi la duh noh ym shuh tang ïa u rishot ka ïing, hynrei u riew pyrkhat ba khraw uba kwah ban ïohi ïa ka lawei ba phyrnai ka ri ka jaidbynriew bad ïa ka jylla hi baroh kawei.

Khublei shibun

Kiba burom ïaphi
Na ka ïing ka sem