Ka jingpynbeit kali na ka bynta Jingïaseng Samla KJP Synod Mihngi ha Rymbai

Syllad | The Rising MeghalayaFebruary 25, 2020

Ka Balang Presbyterian Rymbai ban pynsuk ïaka leit ka wan bad ban lait na ka jingdheng kali haka sngi U Blei haka Jingïaseng Samla KJP Synod Mihngi kaba Khadphra kaba long ha Rymbai, East Jaiñtia Hills District kala pynbna ba kala pynbeit ïaka rukom ïaid kali bad jaka buh kali khnang ban suk ka ïaid ka ieng u paidbah bad kali.

Kane ka Jingiaseng Synod kan long naduh ka 28 tarik u Rymphang haduh 1 tarik u Lber 2020. Ki nongkren ha ka Sngi U Blei haka por 10.30 Am da u Rev. P Nongkynrih, por 1.30 Pm da u Rev FM Gympad bad por 6:30 Pm da u Rev H Sutnga.

Ka Balang Presbyterian Rymbai lyngba u kyrwoh bala phah u Rev SB lyngdoh bad Tbn HM Thoo, kila pynpaw ba ka balang kala pynbeit ïaka rukom ïaid kali kumne harum:-

• Ki kali kiba wan na ki thain Umkiang, Chiehruphi, Khliehriat bad kiwei kiwei kin iaid lyngba ka DC Road East Jaintia Hills. Hapoh 10 baje mynstep kin rung beit sha Madan Pampyrthat bad 10 baje shaneng pat Kin ieng sha Mosynler, Lum PHE bad Lum Moolyngkut.
• Ki kali kiba wan na ki thain shangpung, Jowai, shillong bad kiwer kiwer kin ïaid beit na u surok Lad Rymbai, Rymbai Road. Ki kali kin rung beit sha madan shapoh shnong lawpynsing, Madan Balang khmat ïingmane bad 10 baje shaneng pat kin jeng ha Lum Moopon, Lummyngkoi, Madan Shynrangshah.
• Ki Kali kiba wan na ki thain Bataw, Borghat, Lama, Leshka, Dawki, Pynursla bad kiwei kiwei kin ieng ha Madan Wahshnong.

Ka Balang ka la pynbeit ba kam ym shah iano iano ban die jingdie ha ka Sngi U Blei 1 km sawdong na ka jaka ba long jingiaseng namar baka balang kala pynkhreh lypa ia ki jingbam sngi bad miet ia ki paidbah riew ngeit khristan bad kiwei kiwei de sha baroh ki ïing khristan hapoh ka balang.

La kyrpad ia ki paidbah ban kohnguh ia ki jingpynbeit jong ka Balang bad ka shnong hi baroh kawei ban lait na ka jingdheng kali.

Ka Balang kan nym pynkhreh ia ki Car Pass namar u surok bah yn pyllait beit baroh shisngi bad na ka bynta ki VIP kin pynieng kali hapoh Compound Higher Secondary School Balang.