Ka jingpynbna na ka JHADC

Syllad | The Rising MeghalayaMay 23, 2020

Ka Secretary, Executive Committee, Jaiñtia Hills Autonomous District Council (JHADC) ka Kong R Phawa kala pynbna paidbah ba ki waheh shnong kiba ka por treikam jong ki kala kut, ki lah ban treikam kum ki waheh shnong tad haduh u bnai Jylliew (June).

Ka jingpynbna ka ong “Na ka daw ba la pynjari ia ka jingkhang dam (Lockdown) ha ka Jylla Meghalaya bad ka Ri India hi baroh kawei na ka bynta ban ialeh pyrshah ia ka jingsaphriang u khniang jingpang COVID-19, ka Executive Committee, Jaintia Hills Autonomous District Council, Jowai da kane ka pynbna paidbah ba kito ki Waheh Shnong kiba ka por trei kam jong ki ka la kut noh ha ka por jong ka jingkhang dam (Lock down) ki lah ban nangtrei kam kum ki Waheh Shnong tad haduh ka 30th June, 2020.”