Ka jingpynioh Block bad ka jingshna iaka surok Sonapur Borghat ka khring ia nga sha ka NPP: Emlangki

Syllad | The Rising MeghalayaDecember 20, 2022

U MDC ka UDP uba la pyniasoh ialade sha ka NPP haka sngi Nyngkong, ula ong ba ka jingrung jong u sha ka NPP ka dei namar ka jinglah ka sorkar MDA ban pynurlong iaka jingangnud u paidbah ban pynioh iaka Lumshnong C&RD Block bad ka jingshna iaka surok Sonapur-Borghat.

Ula ong ruh ba ka jingpyniasoh jong u sha ka NPP, ka dei ruh kaba la rai lang da ki paid nongkyrshan jong u.

“Ka jingplie iaka Lumshnong C&RD Block bad ka jingshna iaka surok Borghat kala khring ia nga sha ka NPP bad ka jingialam ka NPP iaka sorkar MDA kala lah ban wanrah shibun ki kam pynroi ha Narpuh hapoh ka jingialam u Conrad K Sangma,” ong u ma Emlangki bad bynrap da ka jingrung sha ka NPP kan iarap ban wanrah shuh shuh iaki kam pynroi ka thain Narpuuh baroh kawei.

Ula ai khublei ïaka Kong Santa Marry Shylla ka kyrtong NPP candidate na 5-Sutnga-Saipung Constituency. Ula ong ba da ka jingiatreilang yn pynthikna ban pynjop iaka kong Shylla ban jop iaka elekshon MLA 2023 na Sutnga Saipung.

Arngut ki MLA ba shah sospon na ka Congress ka Dr Ampareen Lyngdoh (East Shillong) bad Mohendro Rapsang (West Shillong) – ruh kila iasoh sha ka NPP haka sngi Nyngkon bad kila iehnoh kam kum ki MLA.