Ka jingpynioh jaka na ka bynta ka surok Shillong Western Bypass ka la jan dep: Dy CM

Syllad | The Rising MeghalayaFebruary 20, 2024

U Symbud Myntri Rangbah ka jylla uba khmih ia ka Tnat PWD (Roads), u Bah Prestone Tynsong haka 19 tarik Rymphang, u la pyntip hapoh ka iingdorbar Assembly ba ka jingpynioh jaka ha kaba iadei bad ka jingthmu ban shna ia ka surok 2-lane Shillong Western Bypass ka la jan dep artad.

U la ong ba ka jingbuh por na ka bynta ban pyndep ia kane ka projek lynti surok ka long ar snem, kata naduh ba la pynbna ia ka tarik ba la thung bad ka jingsdang ia ka jingpyntrei.

“Nga dang iai bteng ban buddien bad khmih bniah ia kane ka phang, bad Nga sngewkmen shibun ban pyntip ba ka Ministry of Road Transport ka la pynioh ia ka mangtyngka kaba T. 681.63 klur kum ka jingsiew ia ka bai lutksan halor ka jingshim jaka bad ngi dang ap mynta ia kane ka pisa ba kan poi sha ki deputy commissioner, bad Nga thikna ba ngin ioh pdiang ia kane ka pisa ha kane ka mangtyngka kaba mynta,” ong u Bah Prestone.