Ka jingpynjlan rta ialeh kam, kan pyntlot pynswai iaki samla ong u ma Comingone Ymbon

Syllad | The Rising MeghalayaJune 4, 2022

U MLA jong ka 3- Raliang Constituency u Ma Comingone Ymbon ula ong ba um sngew ïahap iaka jingpynjlan rta haduh 37 snem na bynta ban aplai ïaki kam sorkar haka Jylla.

“Kane ka jingpynjlan rta na ka 32 shaka 37 snem kaba la mynjur da ka sorkar MDA kan pyntlot pynswai iaki samla kiba la nang stad ban wad kam jam bad kin shim sting ban ialeh kam hadien bala pyndep iaki kyrdan pule degree haka rta kaba 24-25 snem,” la ong u Ma Comingone haba kren haka jingrakhe World Environment Day bad ka jingsdang ka Soil iaka prokram thungdieng ha Shangpung haka sngi Thohdieng.

Also Read | Sha ka Waste Recovery ha Centre Umpling ïalam ka JMB ïa ki Waheh Chnong

“Kane ka dei ka jingsngew shimet jong nga namar ba ka rta 24-25 snem ka dei ka rta kaba ih iaki samla ban wad iaki kam ki jam ban ieng hala ka jong ka kjat,” la ong ma Coming bad bynrap ba ka kam sorkar hapoh ka Jylla ka long kaba duna, katba ki nongiakhun pat ki bun byllai bad lada ki samla ki ap sah haduh ban da poi ïaka 37 snem wat ba kin trei kin ktah ruh ki la tlot.

Also Read | 185 hectare yn thung dieng ka tnad Soil ha West Jaintia Hills District