Ka jingpynrung kyrteng Aadhaar iaki khyllung khynnah 0-6 snem

Syllad | The Rising MeghalayaJune 8, 2023

U Deputy Commissioner & Chairman, District Rural Development Agency, West Jaintia Hills District, Jowai u la pyntip sha baroh ki nongshong shnong jong ka West Jaintia Hills District ba ka jingpynrung kyrteng Aadhaar (Aadhaar Enrolment) kyrpang naka bynta ki khunlung ba dang 0-6 snem, ki khynnah, samla lud, ki long kmie ba armet bad ki longkmie ba dang al buin kiba ioh jingiarap na ka Scheme ICDS ka la sdang naduh ka 31.5.2023.

Ki ba donkam ki lah ban leit mih sha ka Ophis u Deputy Commissioner, Block Development Officer ban pynrung kyrteng. Kumjuh ruh phi lah ban phone ne kylli ia ki Waheh Shnong bad Anganwadi workers iaka jingwan jong ki nong pynrung kyrteng ha ki shnong ki thaw jong phi.

U Deputy Commissioner u la kyntu ia baroh ki paidbah ki bym pat pynrung kyrteng ban shim ia kane ka lad han pynrung kyrteng ia lade.