Ka jingpynrung kyrteng ban ioh rashon ha East Jaintia Hills

Syllad | The Rising MeghalayaJune 14, 2021

U Deputy Commissioner (Supply), East Jaintia Hills District u pynbna paidbah ba kan don ka jingpynrung kyrteng kaba kyrpang (special drive) ban ioh rashon card naka bynta jong ki briew ki bym don iing don sem, nongtam tiar jot, ki nongdie madan, ki nongtrei bylla sngi ki ba na bar ki bym ioh lad ban pynrung kyrteng rashon card bad ki bym don ki kot ki sla ban pynshisha ia ki jaka sah.

La bthah ba lada don kum kitei ki longïing / briew ba kin leit ai kyrteng ha ki FPS dealer lane waheh shnong khnang ba ka Office ban lah ban pynrung kyrteng  ia ki ha ki rashon card bad ba kin ioh ia ki jingdonkam.

Kumjuh, la bthah ia ki waheh shnong ba kin iarap lem ban pynshisha ia kito ki longïing kiba dei shisha ban ioh card rashon.

Ia ki form pynrung kyrteng (claim) bad ot kyrteng (Objection) lah ban ioh na Office jong u Deputy Commissioner bad na ki Block Office lane ki FPS dealers.