Ka jingpynshai bad jingpyntip na ka Synjuk Waheh Shnong Ri Jaintia

Syllad | The Rising MeghalayaNovember 19, 2022

Ka Synjuk Waheh Shnong Ri Jaintia da ka jingsngewrit ka wan ban pynshai sha phi ki paidbah nongshong Shnong jong ka Rilum Jaintia bad Rilum Khasi sha duh Rilum Garo ba phin ia tip paid bah na ki daw bym lah kiar, ka synjuk ka la kynriah tarik ia ka sngi pynlong fete jong ka na ka 19.11.2022 sha ka 25.11.2022 ha ka jaka ba kyrteng Madan Wahsalu ha ka Shnong Sabahmuswang West Jaintia Hills. 

Kumta la kyrpad ia baroh ki paralok kiba la thied ia ki ticket Lucky Draw ba phin sngewbha ban iaishah haduh katei ka tarik bad ha ka por 11.00.pm yn pynkhalai ia ka Lucky Draw jong ka fete. Ha kaba iadei bad kane ka kam la kyrpad ia baroh ki Waheh Shnong bad ki nongiarap die ia ki ticket ba phin sngewbha ban pynpoi ia ki sha ka kti u Fete Secretary Shri. T Phawa lane sha ka kti u Lucky Draw Secretary Shri. M Thabah ha lane shwa ka 23.11.2022.

Kumta ka Synjuk ka wan ban kyrpad da ka jingsngewrit sha baroh ki paralok Waheh Shnong  bad ki nongshong Shnong jong ka Rilum Jaintia, Khasi bad Garo ba phin sngewbha ban pyllait ia ka por ba kordor jong phi ban ia wan pynshongshit pynshitrhem sha kane ka fete ba la pynkhreh da ka Synjuk ha ka 25.11.2022.

Kane kan long shi bynta kum ka kabu ksiar ia phi ba phin iohi bad ioh sngew bad ioh pynsngewbha ia la de ha kiba bun ki programme ba bun jait ha ki jingialeh kai bad ioh peitkai ia ka ia dur masi kaba lah ban long kaba hehduh hapoh ka jylla Meghalaya  jong ngi. Kan don ruh ka bumper housie ha ka por miet, kaba haduh 1lak ka house bad 5hajar kawei kawei ka line.

Kane ka jingkyrpad rit la phah da u Ma A. Lipon President SWSRJ bad u Ma T.Phawa Fete Secretary.