Ka jingpynshai halor ka jingkam nonglam khmat da ki nongkyrshan jong u Independent Candidate ha Ummulong

Syllad | The Rising MeghalayaFebruary 8, 2025

Ngi kum ki nongkyrshan ba pura jong ka Party VPP ha ka shnong Ummulong, ngi kwah ban wanrah ia ka jingpynshai sha ki paitbah halor ka khubor ba mih ha ka 5th February 2025 ha kaba iadei bad ka jingkam jong u nongkyrshan jong u Independent Candidate ba ki long ki nonglam khmat jong ka Party VPP. Katei ka khubor ka long tang kum ka khubor ka ban pyn thame ia u paitbah nongkyrshan jong ka party VPP 

Namar kumba ka long, kitei ki ba la kam ia lade ba ki dei ki nonglam khmat ka party VPP kim pat shym la pynrung kyrteng ia lade ban long kum ki dkhot jong ka party VPP. 

Ha ka jingshisha ka party VPP kam pat shym la thaw unit lane jied nongkitkam ha ka shnong Ummulong naduh ka Election MP bad kumba ka long mynta ka party VPP ka dang don tang ki nongkyrshan suda. 

Dei tang na ka daw ba ka party VPP kala suh thied bad khlain bor haka shnong Ummulong da ka jingbun jong u paitbah nongkyrshan kala mih kum katei ka khubor ka ba pyrshnag ban pynpra ia ka jingmut ba skhem ba u paitbah u don ia ka ban kyrshan iaka party VPP. 

Kumta sa shisien, naka liang jong ngi ki nongkyrshan jong ka party VPP ngi wanrah ia kane ka jingpynshai sha ki paitbah nongkyrshan baroh ki ba don ha ka 5-Mukhla-Ummulong constituency ba kim dei ban sheptieng ia kum kitei ki khubor hamsaia ki ba pyrshang ban pynthohria bad pynthame ia ki jingmut ba skhem jong ki nongkyrshan ka party VPP namar kine baroh ki long tang ki jingpyrshang ban pynpra ia ka jingiatylli kaba u paitbah u don haka party VPP. 

Kaba khatduh, na ka liang jong ngi, ngi pynrem jur ia ka tei ka khubor hamsaia bad ka jingkam jong ki nongkyrshan u Independent Candidate ba ki long ki nonglam khmat ka party VPP wat lada kam shym la long kumta. Kumba ka long mynta ka party VPP hi ka la nang khlain da ka jingbun u nongkyrshan ba wat na kawei pat ka party ruh ki la wan ban pyniasoh sha ka Party V.P.P. 

Kane ka jingpynshai kala wan na ki nongkyrshan VPP Ummulong