Ka jingpynshai na ka Dorbar Shnong Saba halor ka jingsuba Taro ia kawei ka longïing

Syllad | The Rising MeghalayaMay 17, 2022

Ha kaba iadei bad ka jingshah kynnoh ai Taro ka Nijanduh Phawa kadei halor ka jingiohpang ki hynriew (6) ngut ki khynnah bad lai ngut na kitei ki khynnah ki wan phet biej sha ka iing jong ka. Kane ka la jia naduh ka 14 tarik u bnai March. Haba kine ki khynnah kiba ioh pang, ki wan phet bieij sha iing jong ka, ki la kren ba ma ki dei ki Taro jong ka Nijanduh Phawa.

Kine ki lai ngut ki khynnah ki la iathuh ba mynshwa ki la ri ia kata ka taro ha iing hynrei mynta pat ki la pynshong ia ka ha trai uwei u dieng uba don hadien ka iing jong ka Nijanduh Phawa. 

Hadien kine ki jingjia ia kitei ki khynnah, ka la poi ka khubor sha ka Dorbar Shnong bad na ka liang ka Dorbar shnong ka la khot ia ka Nijanduh Phawa ha ka 19 tarik u bnai April bad ngi la tohkit ia ka. Hynrei na ka liang ka Nijanduh Phawa ka la len bad ka la maham kylla ban ai kes ia ki nongialam shnong.

Hadien kata pat ka la pan dorbar biang bad ka dorbar shnong ka la khot dorbar  ha ka 9 tarik u bnai May  bad ha kane ka dorbar ka la kular ban pyndep ia ka niam ka rukom da ka khnia ka khriam bad lada kitei ki khynnah ba kem pang kim koit satia ka kloi ban mih hi da ka mon lade napoh ka shnong ka thaw. Na ka liang ki nongialam shnong ruh ki la maham ia ki para nongshong shnong ba kim dei ban thaw kano kano ka jingkulmar lane ban pynpait ia ka iing ka sem jong ka. Ha ka 12 tarik ka pyndep ia ka niam ka rukom katkum ba ka la kular. Wat hadien ba la pyndep ia ka khnia ka khriam, kitei ki khynnah 6 ngut kim shym la koit  satia na ka jingpang jong ki.

Pule | Shah lun maw bad shah thang kawei ka ïing ha West Jaintia Hills ba suba ri Taro

Ha kaba iadei bad ka jingshah pynpait pynpra ka iit jingkhang jong ka iing ka Nijanduh Phawa ha ka 14. Ha ka 15 tarik u bnai May pat, la wan hiar ki nongialam ka kur Phawa bad dei ha kane ka por ba kawei na kitei ki khynnah ba kem pang kaba kyrteng ka Rikhuid Suchiang, ka la khie pang biang bad ka la leit mareh biang khlem tip briew sha iing jong ka ha ryngkat ka jingiabud u paidbah nadien. Katei ka khynnah ka la kren ha ka Nijanduh Phawa da kaba ong “Dei maphi kaba ri sumar ia nga bad mynta phi la leh bein ia nga bad pynjah burom ia nga”. Ia kane la sakhi da u paidbah bad ki nongialam kur ka Phawa. Na ka liang ki nongialam kur Phawa bad ka ki nongialam shnong ki la ia shong jingialang ban iakren bad ban ia pynbeit halor kane. Na ka liang ka kur Phawa bad ki Nongialam shnong Saba ki la rai lang ba ka Nijanduh Phawa kadei ban mih na ka shnong da ka mon sngewbha khnnang ban lait na ka jinghuri hura ne kino kino ki jingmynsaw mynsnam bad ynda ka la dep ban pynkhuid ia ka niam ka rukum jong ka kaba iadei bad ka Taro yn sa shah biang ia ka ba kan wan sha shnong. Shuh shuh na ka liang ka Dorbar shnong ruh ka la buh ka jingmaham ia ki nongshong shnong ba kim bit ban leh ia kino kino ki kam sniew pyrshah ia ka iing ka sem jong ka Nijanduh Phawa.

Hynrei ha kane ka juh ka sngi, katta ha ka 15 tarik u bnai May, ka iing jong ka, ka la shah tang bad na ka liang ki nongialam ki la ioh jingtip ia kane ha ka 16 tarik ka bor shnong kala leit ban jurip ia katei ka jingjia bad ngi la lap ruh ba ka iing jong ka Nijanduh ka la shah thang shisha.

Na ka liang ka shnong ka la kylli tohkit ban lap ia ki nongleh ia katei ka kam hynrei kam lap satia iano iano ba donkti bad ngi pynpaw ia ka jinglyngngoh kaba khraw namar ha ka 16 tarik ka kong Nijanduh Phawa bad u lok jong ka, u Nicholas Nartiang ki la leit ujor noh ia ki pulit ha Nartiang bad ka la mih ruh sha ki lad pathai khubor.

Ha ka 17 tarik Bnai May na ka liang ka bor shnong ka la shong jingialang biang bad ha kane ka jingialang ka dorbar ka la rai ban ai ia kane ka ka jingpynshai paidbah.

Na u
Andreas Suchiang
Waheh Shnong, Dorbar Shnong Saba

Ewanmi Lathong
Secretary, Dorbar Shnong Saba