Ka jingpynshai na u Training Phawa halor ka jingshah shoh ki nongialam shnong Tuber Kmaishnong

Syllad | The Rising MeghalayaJanuary 10, 2024

Halor ka jingshah mait sdie ki nongialam shnong: Rah lama iong ki nongshong shnong ka Tuber Kmaishnong

U Training Phawa uba la shah kynnoh ban mait da u sdie ia u Waheh Chnong Tuber Kmaishnong u Micky Lyngdoh bad ia u Denis Lyngdoh na ka jingklumar kaba la mih haka miet 3 tarik Kyllalyngkot, ula kyntait mardor halor ka jingmih khubor bad ka jingujor pyrshah ia u.

Ha u kyrwoh ula ong ba ka jingshisha ka long kumne “Nyngkong don arngut ki samla kiba dei ki ba ha iing jong nga kiba wankai bad iaid lynti lyngba ka iing u Waheh Shnong bad katba ki dang iaid la don katto katne ngut ki briew ba ieng ha kyndong ba dum ka jaka ba ki iai kren sih bad tim sih, te naka liang kiba ha iing jong nga ki la ong ba ym dei ban tim sih hapoh shnong poh thaw bad mar hangta hi kita ki briew ki la kynrup syndon bad shoh iaki, hadien kane kita kiba shah shoh kila phone ia nga bad nga ruh daka jingtieng ioh ka jia eiei nga la wan wut hangta ha jaka, bad haka por ba nga poi hangta lah dap u paidbhur ban shoh iakita ki ba ha iing jong nga, hynrei kaba i lyngngoh pat ban peit ba hangta lah don u Waheh Shnong ma Miki lyngdoh ki secretary bad ki VDP hynrei kim shym la kren eiei ki shu peit kai iaka ta ka jingshah shoh kita ki khynnah samla. Nga da ka jingkulmar nga rung hangta hapdeng u paidbhur daka jingmut ban pynia khlad hynrei nga lah shah shoh pynban ha uta u bhur, bad hadien kata daka jingtieng nga lah kum bat iaka ei re ka ei kat ba ioh hajan ban iada ialade bad ia kita ki ba ha iing hynrei uta u bhur u nang tur iangi hynrei hadien ngi la iohlad ban phet na kata ka jingjia”.

U Training Phawa ula kam ba jingthmu jong u ka long beit tang ban iada ialade bad kita kiba ha iing hynrei kam shym long satia kumba lah pharep ha ki khubor, namar hadien kata ka jingjia dei ma u hi uba ong ban leit buh ia kiba mynsaw sha hospital namar um don ia kano kano jingthmu sniew iano iano.

Kum u nongshong shnong ngi burom bad ieid eh iaki nongialam shnong ba wad haduh ka step jong kato ka jingjia ruh nga khlem kynthoh lane ujor pyrshah iaki, hynrei kaba sngewsih eh ban iohi ba ma ki, ki ujor pynban bad pharep kylla ianga.

Ula kyntu bad kyrpad iaki nongshong shnong bad kumjuh iakino kino ki kynhun ba ym dei ban kynthoh palat pud khlem da tip iaka jingshisha kaba paka bad nym dei ban bishar shiliang khmat hynrei ai ba ka aiñ kan leh iakaba donkam.