Ka jingpynshai naka liang ka Seiñ Raij Tuber halor ka khubor pyrshah lynti rel haka Behdeiñkhlam

Syllad | The Rising MeghalayaJuly 20, 2023

Ka Seiñ Raij Tuber lyngba u kyrwoh khubor na u R Harvis Phawa Rangbah Mansan  (President ) SRT bad u Jolby Sana Rangbah Longsan (General Secretary) ngi kwah ban pynshai hangne halor ka jingmih haki Social Media bad kot khubor haka sngi pynkut jong ka leh Niam Behdeiñkhlam ba dang shu dep 17th, July 2023 kaba ong  ba “ka kyrwoh  (messages) naka Behdeiñkhlam ka Seiñ Raij Tuber ban pyrshah iaka lynti rel ka long ka jingsngewthuh bakla bad ka bym shongnia.

Ngi naka liang jong ka Seiñ Raij Tuber Sengkmie ( Central body) ngim ju don kum kata ka rai (Resolution) hapoh ka Committee bad ngim ju iakren hi ruh shaphang kata ban pyrshah iaka jingwan ka lynti rel shapoh ka jylla jong ngi bad ngim kwah hi ruh ban kren ei ei halor kane ka bynta.

Halor katei ka jingthoh ka  ba ong “Say No to Railway” ngi naka liang jong ka Raij kaba peit iaka kam Niam kam rukom ngim don jingtip ei ei halor katei ka jingthoh. Kane ka lah ban dei ka jingthoh shimet lane tang jong katei ka dong hi ym dei ba phah ma ngi ka Raij pynkut u kyrwoh.