Ka jingpynthymmai iaka Electoral Roll ha Amlarem Constituency
Ka office jong U Electoral Registration Officer, 7-Amlarem (ST) Assembly Constituency, ka la pyntip paidbah ba ka Election Commission jong ka ri India, ka la hukum ban pynbiang ia ka Draft Photo Electoral Roll jong ka 7-Amlarem Assembly Constituency ha ka Sub-Division kat kum ka tarik 01-01-2024. Halor kane kito ki nongshong Shnong kiba la dap 18 snem ka rta katkum katei ka Tarik bad kumjuh ki bym pat don kyrteng ha ka Draft Photo Roll ki lah ban pynrung kyrteng ialade ha ki Polling Station ba ki shong ki sah. Kumjuh ruh ban ot ne weng kyrteng ia kito ki ba la iap ne phet Shnong bad ia ki jingbakla ruh yn pynbeit ha kane ka por.
Ha ka jingiadei bad kane, ia ka Draft Photo Rolls yn pynmih ha ka 27-10-2023 ha ka ophis jong ka Electoral Registration Officer, Office jong u Sub-Divisional Officer (Election) Amlarem Sub-Division bad lyngba ki Booth Level Officers (BLOs) ha ki Polling Station. Ia ki jingtyrwa bad jingdawa ne jingujor kyrteng yn pdiang naduh ka 27-10-2023 haduh ka 09-12-2023.
Ka office jong ka Electoral Registration Officer, 7-Amlarem (ST) Assembly Constituency, ka pyntip paidbah ba ki briew sorkar (Booth Level Officers) kin wan ha ki Polling Station ban trei na ka bynta kine ki kam naduh ka 27-10-2023 haduh ka 09-12-2023. Kumta la kyrpad ia ki nong shong shnong ban leh ia kine harum:-
Ban ai ia ki Kyrteng jong ki Nongthep Vote ba la iap ne kiba phet Shnong, khnang ba yn lah ban ot noh ia ka kyrteng jong ki ha ka Electoral Roll.
Ban ai jingiarap lem ia ki briew sorkar (BLOs), da kaba bishar sani ia ki kyrteng bad ki dur la ki ia hap ne em bad ka rta jong u/ka nongthep vote, ka iahap ne em bad ka dur khmat kaba la mih ha ka Draft Photo Electoral Rolls, khnang ba kan nym mih ka jingkulmar ia ki kyrteng bad ki dur. Lada lap ia ki ba kum kine sngewbha ban pyntip mar mar sha u Electoral Registration Officer lane sha u Booth Level Officer jong kato ka Polling Station hapoh ka shnong jong phi.
La kyrpad ruh ban pyllait ia ka ing skul/Community Hall (Polling Station) ha kitei ki sngi na ka bynta kane ka kam. Kumjuh ruh ban iarap ia ki briew sorkar (Booth Level Officers) ha kino kino ki bynta kiba donkam ynda ki poi sha ka shnong jong phi.
Katkum ka jingbthah ka Election Commission jong ka Ri India, la kyrpad ia ki Rangbah Shnong ba kin pynbna Paidbah hapoh ka Shnong jong phi ban peit bniah bad bishar sani bha i aka Draft Photo Electoral Roll, khnang ban ym don kano kano ka jingbakla.
Nalor ka 01.01.2024 kum ka tarik ba lah ban pynrung kyrteng ha ka Electoral Roll, kat kum ka kyndon ain Registration of Electors (second amendments) Rules 2022 “Lada don kito ki ban sadap 18(khatphra snem) ha u snem 2024 kat kum ki tarik 01.04.2024, 01.07.2024 bad 01.10.2024 ki lah ban nang ai lypa (advance) ia ki application jong ki bad ia kum kine ki applikashon yn sa leh bad peit (process) kat kum ki tarik ba iadei jong ki.”
Kin sa don ruh ki sngi ba kyrpang (Special Campaign Dates) ha ka 11 tarik bad 18 tarik November, 2023 ha kaba phi lah ban phah ia ki nong shong shnong jong phi ba kin leit mih kham bun sha ki Polling Station namar ba ia kine ki sngi la mang kyrpang ba ki Booth Level Officers (BLOs) kin don baroh shi sngi ha ki Polling Stations.
Ia ka jingtip ba kham bniah lah ban phone ha kine ki number harum kiba long ki tollfree numbers: 94854-32400 lane 18003453802
Facebook
Instagram
Youtube
Twitter
Leave a Reply