Ka jingpynthymmai iaka electoral roll ha Amlarem Sub Division

Syllad | The Rising MeghalayaNovember 7, 2022

Ka Office jong ka Electoral Registration Officer, 7-Amlarem (ST) Assembly Constituency, ka la pyntip paidbah ba ka Election Commission jong ka ri India, ka la hukum ban pynbiang ia ka Draft Photo Electoral Roll jong ka 7-Amlarem Assembly Constituency ha ka Sub-Division kat kum ka tarik 01-01-2023. Halor kane kito ki nongshong shnong kiba la dap 18 snem ka rta katkum katei ka Tarik bad kumjuh ki bym pat don kyrteng ha ka Draft Photo Roll ki lah ban pynrung kyrteng ialade ha ki Polling Station ba ki shong ki sah, kumjuh ruh ban ot kyrteng ruh ia kito ki ba la iap ne phet Shnong bad ia ki jingbakla ruh yn pynbeit ha kane ka por.

Ha ka jingiadei bad kane, ia ka Draft Photo Roll yn pynmih ha ka 09-11-2022 ha ka ophis jong ka Electoral Registration Officer, lane ka Office jong I Sub-Divisional Officer (Election) Amlarem Sub-Division bad lyngba ki Booth Level Officers (BLOs) ha ki Polling Station. Ia ki jingtyrwa bad jingdawa ne jingujor kyrteng yn pdiang naduh ka 09-11-2022 haduh ka 08-12-2022.

Ka office jong ka Electoral Registration Officer, 7-Amlarem (ST) Assembly Constituency, ka pyntip paidbah ba ki briew sorkar (Booth Level Officers) kin wan ha ki Polling Station ban trei na ka bynta kine ki kam naduh ka 09-11-2022 haduh ka 08-12-2022. Kumta la kyrpad ia ki nong shong shnong ban leh ia kine harum:

• Ban ai ia ki Kyrteng jong ki Nongthep Vote kiba la iap ne kiba phet Shnong, khnang ba yn lah ban ot noh ia ka kyrteng jong ki ha ka Electoral Roll.

• Ban ai jingiarap lem ia ki briew sorkar (BLOs), da kaba bishar sani ia ki kyrteng bad ki dur la ki ia hap ne em bad ka rta jong u/ka nongthep vote, ka iahap ne em bad ka dur khmat kaba la mih ha ka Draft Photo Electoral Rolls, khnang ba kan nym mih ka jingkulmar ia ki kyrteng bad ki dur. Lada lap ia ki ba kum kine sngewbha ban pyntip mar mar sha u Electoral Registration Officer lane sha u Booth Level Officer jong kato ka Polling Station hapoh ka shnong jong phi.

• La kyrpad ruh ban pyllait ia ka ing skul/Community Hall (Polling Station) ha kitei ki sngi na ka bynta kane ka kam. Kumjuh ruh ban iarap ia ki briew sorkar (Booth Level Officers) ha kino kino ki bynta kiba donkam ynda ki poi sha ka shnong jong phi.

• Katkum ka jingbthah ka Election Commission jong ka Ri India, la kyrpad ia phi ki Rangbah Shnong ban pynbna paidbah hapoh ka Shnong jong phi ban peit bniah bad bishar sani bha ia ka Draft photo Electoral roll, khnang ban ym don kano kano ka jingbakla.

• Nalor ka 01.01.2023 kum ka tarik bal ah ban pynrung kyrteng thymmai ha ka Electoral Roll, kat kum ka kyndon ain Registration of Electors (Second Amendment) Rules, 2022 “lada don kito ki ban sa dap 18 (khadphra snem) ha u snem 2023 kat kum ki tarik 01.04.2023, 01.07.2023 bad 01.10.2023 ki lah ban nang ai lypa (advance) ia ki application jong ki bad ia kum kine ki application yn sa leh bad peit (process) kat kum ki tarik ba iadei jong ki.”

• Kin sa don ruh ki sngi ba kyrpang (Special Campaign Dates) ha ka 18th & 19th bad 25th & 26th November, 2022 ki ba dei ki Friday & Saturday (Sngi Thohdieng & Sngi Saitjain) ha ka ba ki Booth Level Officers (BLOs) kin don baroh shi sngi ha ki Polling Stations, kumta la kyrpad ia ki nong shong shnong ban leit mih sha ki Polling Station jong phi.

Ia ka jingtip kiba kham bniah phi lah ban phone ha kine ki number kiba long ki tollfree nos: 94854-32400 lane 18003453802