Ka jingpyntip halor ka jingiaseng KJP Assembly ha Balang Presbyterian Sutnga

Syllad | The Rising MeghalayaApril 12, 2023

Ka Jingiaseng jong ka Khasi Jaintia Presbyterian Assembly kaba Khadwei kan long ha ka Balang Presbyterian Sutnga naduh ka 13th – 16th April 2023.

U kyrwoh ba la phah da U T.Bn.E.Gympad, Secretary ka Balang Presbyterian Sutnga ula ong ba ka Balang ka la nang iai pynkhreh shait shait ha kaba iadei bad kane ka Jingiaseng Assembly.

Kine harum ki jingpynbeit ka Balang:

Ka Reception ia ki Dkhot bad Delegate ha ka 13th April 2023, kan long ha Skul jong ka Sutnga Presbyterian Higher Secondary School kaba don marpyrshah bad ka Madan Football jong ka Shnong Sutnga,kaba yn pynlong ruh ia ki Jingiaseng Paidbah jong ka Assembly ha ka Sngi U Trai ha kane kajuh ka Madan.

Ha  ka Sngi U Trai 16th April 2023: Ki Kali kiba wan sha kane ka Jingiaseng, naduh ki kali rit bad kali heh, kin sngewbha ban bud katkum ka jingpyniaid jong ka Traffic Cells. Ka Balang ka khlem buh ia ki Car Pass namar ba ki Parking baroh ki jan na ka Jaka pynlong Jingiaseng.

Ki Nongkren ki long – ha ka por 10.30AM I Rev.A.L.Laskor bad 1.30PM I Rev.G.P.L. Gadew ryngkat ki Choir na ki Balang jong ka KJP Synod Mihngi bad Sepngi

Ka Balang Presbyterian Sutnga ka kitbok kitrwiang ia ki nongwan sha ka Jingiaseng Assembly naduh ki Dkhot bad Delegate haduh kiba wan ha ka Sngi U Trai, ba U Blei ka Jingsuk Un ialam bad btin ha ki lynti syngkien ba kin poi suk khlem kino kino ki jingpynwit.