Ka jingrah dongmusa 6th Meghalaya Games, mynta ka sngi kan wan poi ha Shillong

Syllad | The Rising MeghalayaJanuary 18, 2025

Ka jingrah dongmusa (torch relay) jong ka 6th Meghalaya Games kala sdang ha ka 17 tarik Kyllalyngkot ha ha P.A Sangma Sport Complex ha Tura bad ka ban sa wan poi ha ka nongbah Shillong ha ka 18 tarik mynta u bnai hashwa ban pynkut ha Jowai.

Kane ka long ruh kum ka dak shwa ka jingpynlong ia ka Meghalaya Games ka ban sdang naduh ka 20 tarik haduh 25 tarik Kyllalyngkot. Ki la don baroh haduh 3899 ngut ki nongialehkai kila wan ban iashim bynta ha kan ka lympung ha kaba kin don haduh 29 tylli ki jait jingialehkai (discipline).

Ia kane ka dongmusa yn wanrah ha ka jaka ieng kali ar shaka ha MUDA, Khyndailad, Shillong ha kaba yn pyni ia ka na ka bynta shikynta ka ban plielad ban ioh ringdur hapdeng kito kiba don ka jingangnud, ki riewialehkai sports bad ki riew padbah.

Hadien kane ka dongmusa kan bteng ia ka jingiaid na Khyndailad ha ka por 3 baje janmiet lyngba ka nongbah sha Madanrting kaba pyni ia ka jingiatylli bad ka jingdon mynsiem na ka bynta ki kam ialehkai sport.

La khot sngewbha ia baroh ki nongshong shnong ban wan shakhmat ban sakhi ia kane ka sngi ba kongsan kaba pyni ia ka riewspah ka Meghalaya ha ki kam ialehkai sport bad ka kolshor.