Ka jingrah placard kadei ka jingpynrem iaki kharkhana dewbilat kiba bym burom iaki hukum ka sorkar MDA: JAC

Syllad | The Rising MeghalayaNovember 7, 2020

Ka jingrah placard haka por ba iaid lynti u Myntri Rangbah ka Jylla Conrad K Sangma ha Tuber Takhniang mynta ka sngi ka dei ka jingpynrem iaki kharkhana dewbilat kiba ym shym la pyntreikam iaka bai kit mar thymmai kaba la pynbna da ka sorkar haka 25 tarik Naliur.

“Kane ka jingrah placard kam dei satia ban pynrem ne pyrshah iaka u Myntri Rangbah bad ka sorkar MDA, hynrei ban pyni ha u bym burom ki kharkhana iaka hukum sorkar haba la thoh haki placard ban pynrem iaki kharkhana kiba ba kim burom iaki hukum jong ka sorkar,” la ong u Chariman ka JAC u Nehemayah Tyngkan uba la donlang haka jingrah placard.

Ki don ki jingthoh kiba la thoh placard hynrei baroh ki dei ban pynrem iaka ki kharakhana iaki jingbym pyntreikam iaka bai kit dewbilat thymmai” la pynshai u Nehemayah bad ym dei kumba la thoh ha khubor.

Ha kajuh ka por ka JAC ka ai khublei ia ka sorkar MDA bad ia u Myntri Rangbah ka Jylla u Conrad K Sangma uba shimkhia ban pynbeit ia kane ka kam, hynrei ki dei ki kharkhana kiba la leh kuman ban pyntreikam iaka bai kit thymmai haka jylla ban kin ioh myntoi tang ialade.

U Myntri Rangbah haka jingwan jong u sha rilum Jaintia ban plie ia u mawnongrim ban tei iaka skul Rymbai Govt SS haka jinglut kaba T.3 klur bad jngoh iaka Sahksaw kawei na ki jaka jngohkai kaba pyniaid da ka San Shnong Welfare Association, Mukhaialong ula kren shai bad ong ba ki synjuk jong ki trok bad ki kharkhana ki dei ban pynbeit hapdeng para maki iaka bai kit bai bah mar thymmai.

Ula ong ba nakaliang ka sorkar kala dep ban leh iaka ba donkam bad kane jingpynmih iaka dor thymmai ruh ka dei ka jingshimkhia ka sorkar hadien 18 snem ban pynthymmai iaka dor ban kit.