Ka jingshah thombor u nonghikai ha NEHU ka dei ka jingjia ba sngewsih: Rakkam

Syllad | The Rising MeghalayaApril 26, 2025

U Myntri ka Tnad pult puthi, u Rakkam A Sangma ha ka 25 tarik Iaiong u la shim ia ka jingjia shah thombor jong u nonghikai ka skulbah North Eastern Hill University (NEHU) kum ka jingjia kaba sngewsih da kaba pynthikna ba ka ain kan shim ia la ka jong ka sienjam.

“Ka long ka jingjia kaba sngewsih shibun namar ka la jia khamtam hapoh ka campus jong ka skulbah kaba pawkhmat. Kumta ai ba ka ain kan leh ia kaba donkam,” ong u Rakkam haba kren sha ki lad pathai khubor.

“Nga la iakren ia u SP. Ki la shim ia ki lad ki lynti ban pynbiang ia ka jingpahara. Ki pulit jong ngi ki la shimkhia halor kane ka kam,” u la ong.

Katkum ka jingpynpaw ka jong u, ym dei satia ban ailad ia kiba kum kine ki jingjia ba kin dang wan jia biang hapoh NEHU.