Ka jingshon dur Aadhaar haki 9 shnong ha Amlarem Sub Division

Syllad | The Rising MeghalayaMay 7, 2021

U Sub-Divisional Officer ( Supply), Amlarem Sub-Division ula pyntip ba kan don ka jingshon dur Aadhaar haki 9 tylli ki shnong ha Amlarem Sub-Division naduh 10 tarik Jymmang haduh 21 tarik Jymmang ha ki 9 tylli ki shnong.

Katkum ka jingpynbna kane ka jingshondur Aadhaar ka dei iaki nongbam rashon NFSA (PHH bad AAY).

U SDO ula ong ba kiba bun ki skim sorkar la pyniasoh bad u Aadhaar Nomber. Ha Jylla ruh hap ban pyniasoh ia u number Aadhaar, hynrei ka Jylla haduh mynta kam pat lah ban pyniasoh ia u Aadhaar bad ki ration card.

Kumta ka donkam iaki paidbah nongshong shnong ban pynrung kyrteng Aadhaar ban nym duh jingmyntoi na ki skim sorkar, la ong u SDO.

Kine harum ki dei ki tarik bad kyrteng shnong ban shondur Aadhaar:

10-05-2021 – Ammutong

11-05-2021 – Jaralood

12-05-2021 – Amtasam

13-05-2021 – Mawlong

17-05-2021 – Pdengshakap

18-05-202 – Pamtbuh

19-05-202 – Amlari Rim Amlari Model

20-05-2021 – Amtapoh

21-05-2021 – Pdengkarong/Amjajer Roko.