Ka jingsngewnguh na kiba haïing hasem i (L) Matheus Siangshai

Syllad | The Rising MeghalayaMay 28, 2021

Ngi na ka liang ka ïing ka sem jong i (L) Matheus Siangshai ba ju khot ieid i Ma Mor iba la khlad ha ka 23 May 2021, Ngi pynpaw ka jingsngewnguh nyngkong eh ia U Blei Trai Kynrad U ba la ri la sumar iangi bad ka jingdon ryngkat jong U bad ngi ha kum kane ka por ba sngewsih. Kum ka iing ka sem ngi pynpaw ka jingsngewnguh ia i Minister (Local MLA )6 Khliehriat Constituency u Ma Kyrmen Shylla bad kiba ha iing ha sem jong i baroh.

Ngi ai Khublei ia ki Doctors, nurses, staff jong ka Bethany bad Supercare hospital bad ki doctor ba wan ai jingsumar ha iing. Ngi sngewnguh ia i Deputy commissioner jong ka East Jaiñtia Hills District. Ngi ai Khublei ruh ia i Rangbah Shnong u ma Dras Siangshai, i Secretary Balang Catholic Moolamanoh, ki Covid committee shnong, ki nongkitkam shnong bad ka shnong Moolamanoh hi baroh kawei kaba lah shimkhia ban pyndep ia ki kam ha ka sngi ba tep ia i.

Ngi pynpaw ruh ka sngewnguh ia i DMHO (District Medical Health Officer) bad kumjuh ia ki driver ambulance. Ngi sngewnguh ruh ia baroh ki Lyngdoh bad ki Sister khamtam ia ki Sisters VSDB bad ia i Fr Jame Ellister Bareh,Parish Priest Lad Rymbai, kiba la kyrshan ia ngi da ka jingduwai ba pher ba pher bad ruh da ka Mass bakhuid ba kyrpang. Ngi ai Khublei ia kiba ha iing ha sem jong i MP Ma Vincent Pala. Ngi sngewnguh eh ia kiba ha iing ka sem ki hymmen ki para, ki pyrsa ki ksiew jong i Ma (L) Matheus Siangshai kiba na jan na jngai.

Ngi ai Khublei ruh ia ki paralok parajor kiba ngim lah shuh niew kyrteng kiba duwai lem bad phah kyrwoh jingsngewlem ia ngi ha kano kano ka rukom ruh. Ngi tip ba baroh phi sahnud na ka daw ba ka lad kam shah ia phi ba phin wan sngew lem iangi khamtam ban wan ai khublei khatduh ia i. Khublei shibun ia phi baroh ia ki jing sngewlem ba phi la pynpaw lyngba ki social media bapher bapher sha ka iing ka sem ka jong ngi kum ka dak ban aibor ai mynsiem ia ngi. Ngim lah ban siew kylliang ia ka jingkloi bad jingsbun mynsiem jong phi baroh hynrei ngi buh pat iaka jingduwai ha u Blei Trai Kynrad ba Un theh ka jingkhyrkhu kyrdoh ia phi bad ka iing ka sem jong phi baroh ba phin ioh ia ka met kaba koit kaba khiah.

Leitsuk Pa (Bam kwai ha dwar U Blei)
Khublei shibun kiba burom ia phi
Smt Mila Dkhar (kurim)
Shri I .Dkhar (khun)
Smti H dkhar (khun)
Smt R Dkhar (khun)
Miss R Dkhar (khun) bad ki hymmen ki para ki pyrsa ki ksiew Jong (L) Matheus siangshai.