Ka Jingsngewnguh na kiba haïing i (L) Bud Chyrmang

Syllad | The Rising MeghalayaMay 27, 2021

Ngi naka liang kiba ha ing hasem Jong i (L) Bud Chyrmang naka shnong Pamra Paithlu, East Jaintia Hills District lyngba une u kyrwoh daka mynsien ba sngewrit ngi pynpaw ka jingsngewnguh haduh katta katta ïa phi ki lok ki jor, ki kha ki man, ki kur ki jait na Jan bad na jngai, kiba la phah iaka khubor (Messages) jingsngewlem ne pyntngen sha ka ing ka sem jong ngi lyngba ki social media, kum ki WhatsApp, Facebook, SMS halor ka jingkhlad noh jong u (L) Bud Chyrmang i ba dei i Kñi Rangbah jong ka ing kasem bad ka kur Chyrmang Pamra Paithlu myn haka 24 tarik mynta u bnai.

Ngi dap daka mynsiem sngewnguh bad ai khublei kyrpang iaka Seiñraij Tuber, iaka Seiñ kyntu Seiñ Raij 12-Doloi, iaka Seng Khihlang, iaka Seiñ Kur Chyrmang pyllun, Seiñ Kyrsu kyntu Seiñ Raij East Jaintia, Seiñ Raij All Jannita Hills, iaki Seiñ Raij Shnong Pamra Paithlu, iaka Dorbar shnong Pamra Paithlu bad iaki Seiñ Raij Shnong bapher bapher hapoh Rilum Jaintia. Ngi dap ruh daka jingsngewnguh ia phi ki riew Rangbah,Llongkmie bad ki nongialam jong ki tnad Seiñraij bapher bapher, kiba la phah iaka kyrwoh sngewlem sha ka ïing ka sem jong ngi. Nga pan map na phi ba ngam lah ban jer kyrteng lut ia baroh, hynrei shim ba Kane ka jingsngewnguh kan long ia baroh lyngba u nongai ktien u Kolwit Chyrmang I ba dei i pyrsa jong i Kñi Rangbah (L) Bud Chyrmang Bam kwai ha Dwar u Blei.

Ngi naka liang jong ka ing ka sem, ngi tip ba baroh baroh phi sahnud naka daw ba ka lad kam shah ia phi ba phin wan sngewlem khamtam ban wan ai khublei khatduh ia i, hynrei phi pynpaw pat ia ka mynsiem sngewsih ka jong phi lyngba ki social media bapher bapher sha ka ing ka sem jong ngi kum ka dak ban ai bor ai mynsiem ia ngi ki ba dang neh dangsah. Ngi shim ba ka jingphah jong phi iaka jingsngewlem ka long kumba theh umpjah ia u dohnud bad ka mynsiem ba mong jong ngi. Ngim lah ban siew kylliang iaka jingkloi bad jingsbun mynsiem jong phi, hynrei ngi buh pat ka jingnguh jingdem, jingduwai phirat ha u Blei Trekirod Kynrad ba un theh ka jingkyrkhu kyrdoh ia phi bad iaka ing ka sem jong phi baroh ba phi ia koit ia khiah krad bad khamtam kum ha kane ka por jong ka jinglyngshop jong ka khlam Covid-19, ba un ri unda ia phi ba phin liat na kane ka jingeh baroh. Sa shisien ha kane ka por “Ma Khian Laisuk laisaiñ Bam kwai ha Dwar u Blei, shongsuk ha Tyngkong u Blei”, kumba me la long u Sangia u saret to ksan ñia ksangshang ia ngi kiba ha ing hasem, ki kur ki jait, ki lok ki jor na jan bad na jngai baroh.