Ka jingwanrah ïaka CAB ha Lok Sabha, ka dei ka jingñiew beiñ ïaka NE: JSM

Syllad | The Rising MeghalayaDecember 9, 2019

JOWAI: Ka Jaiñtia Student’s Movement (JSM) ka pynrem jur ïa ka sorkar kmie namar ka jingñiewbeiñ ïa ka jingsngew bad ka sur jong u paidbah jong ka thain Shatei Lam Mihngi (North East) kynthup iaka Jylla Meghalaya da kaba wanrah ïaka Citizenship Amendment Bill 2019 ha Lok Sabha ban ailad ïaki jaidbynriew na ka niam Hindu, Sikh, Buddhist, Jain, Parsi bad ki Khristan na Bangaldesh, Pakistan bad Afghanistan ba kin nym shah khein poiwir bad ban pynioh syrnod nongshong shnong ka Ri India.

U Publicity Secretary ka JSM, u Skhembhalang Dkhar, ula ong baka JSM ka dap da ka jingsngewkhia bad pynrem jur ïaka sorkar kmie wanrah iaka CAB 2019 ha ïing dorbar thawaiñ Lok Sabha wat hapdeng ka jingpyrshah jur na ki ba bun ba lang ki nongshong shnong hapoh ka Ri India khamtam thain Shatei Lammihngi (North East) baroh kawei.

Ka JSM kala rai ban kyrshan pura North East Students’ Organization (NESO) kaba la khot pakhang shnong lashai ka sngi bad kala kyntu ruh iaki paidbad jong ka Bri U Hynniewtrep ban iasnohktilang ha kane ka jingiakhih n aka bynta ka lawei jong ka jaidbynriew.

“Ka 10 tarik Nohprah ka dei ka sngi kyrpang kaba la tip kum ka World Human Rights Day” hynrei ka sorkar India ka la pynkhein ïaka hok jong u paidbah ka thain Shatei Lammihngi.

“Ngim kwah ïa kane ka aiñ CAB kaban wanrah ka jingshah tyllep ka jaidbynriew rit paid jong ngi bad ngi dawa ruh n aka sorkar ban pyntreikam ïaka ILP ban iada ïaka jaidbynriew na ki poiwir bad ki bar ri,” la ong u Leningstar Rymbai, President JSM