Ka kam kaba kyrkieh ong u nongbishar lah ban ai rai noh

Syllad | The Rising MeghalayaNovember 7, 2019

JOWAI: Ka mukotduma pyrshah ia ka elekshon Chairman jong ka JHADC ka lah ban poi sha kaba kut noh ha ka 18 tarik mynta u bnai.

U MDC jong ka Congress party na Jowai central constituency u Bah AA Shullai u la ai ia katei ka mukotduma ha high court jong ka Meghalaya ban iakhun pyrshah ia ka jingjied Chairman jong ka JHADC namar ka long pyrshah ia ka AD rule jong ka JHADC.

Ha ka por jingshim bishar ia kane ka mukotduma haka sngi ba Balang, ki muktiar jong ka Sorkar Jylla bad JHADC ki la pan por na ka Court ban ai ia ka jingpynshai halor ki jingmudui u Bah Shullai.

Na ka liang u  acting Chief Justice u la buh ia ka 18.11.19 ban shim bishar biang bad u la bthah ia kitei muktiar ban phah noh ia ki jingpynshai jong ki sha katei ka kam.

U la ong ruh namar ka kam long kaba kyrhieh kumta yn pyrshang ban ai noh ia ka rai halor katei ka mukotduma ha katei ka sngi hi.

Kumba yn shu pynkynmaw ha ka 9.9.19 kaJHADC ka la pynlong ia ka elekshon jied chairman hadien ba u chairman barim u bah Lakhon Biam u la resain noh shwa ban shah pynhiar khet jubor. U bah Biam u la hap ban resain noh namar ba u la join bjp bad iehnoh ia ka udp. Ha katei ka eleshon la jied ia u bah f bareh u mdc ka udp na rymbai kum u chairman bathymmai khlem ka jingiakhun.