Ka kam oh dur ka lad kamai jakpoh iaki ar ngut ha sor Jowai

Syllad | The Rising MeghalayaNovember 11, 2020

Arngut ki nongshong shnong jong ka Jowai kiba don ka sap kaba kyrpang ban oh dur, kane ka kam kala kylla long kalad kamai jakpoh jong ki.

Kine ki ar ngut ki dei u Ram Kynjing uba na ka shong Panaliar, Jowai bad uwei pat u dei u ma Gilford Pde, uba na ka shnong Chilliangraij, Jowai.

U Ram Kynjing haba kren bad u syllad, ula iathuh ba ula sdang ia kane ka kam naduh ka por ba u dang khynnah bad u pyllut iaka por jong u da kaba shna ïaki tiar buh ïing ba bun jait bad ki kali kai.

Hadien pat ula pyndep iaka jingpule ula sdang ban shna iaki shuki ki miej bad ula shah jied ruh ban long kum u master trainer ha ka ophis jong ka District Commerce & Industries Centre, Jowai.

U Ram udei ruh uwei na kiba la ioh iaka state award halor ka jingoh dur jong u na ka DCIC bad hadien kum u nonghikai na ka bynta ki samla kiba shah hikai haka DCIC ban long misteri haduh 3 snem.

U Ma Gilford Pde na ka Shnong Chilliangraij ula sdang iaka kam oh dur kaba ula paw bha haka lockdown kaba la pynjari ban iakhun pyrshah iaka khlam COVID-19  hadien ba ula sangeh ban niah kali, bad ula shim ia ka kam kum ka lad kamai jakpoh ia u.

U ma Gilford Pde haba kren bad u syllad ula ong ba kam oh dur-dro dur kadei kaba u sngewtynnad naduh dang khynnah, hynrei haka lockdown ula kubur ba ula pynlehnohei iaka sap bad u sngewthuh iaka sap kaba u don.