Ka Khanduli ka hap hapoh u pud u ang ka JHADC: Finelyness Bareh

Syllad | The Rising MeghalayaJuly 10, 2023

U Ma Finleyness Bareh executive member ba dei khmih iaka tnad Political ka Jaintia Hills Autonomous District Council (JHADC) haka dorbar lyuir ka konsil kaba long haka sngi Nyngkong, ula ong ba ka shnong Khanduli ka hap hapoh u pud u ang ka konsil.

Haba jubab iaka jingkylli ba la wanrah da u Andrew Shullai MDC liang pyrshah, u ma Finelyness ula ong ka shnong Khanduli ka hap hapoh u pud u ang ka konsil bad ka hap hapoh ka Elaka Nongjngi bad ka don la u jong u waheh shnong ba ithuh da ka JHADC.

Haba kaba iadei bad ka khyrdop khrong khajna ka Karbi Anglong Autonomous Council (KAAC) ha Khanduli, u ma Finelyness ula ong baka konsil kala ioh jingtip halor kane ka jingiakhajia, hynrei namar bala iaid ka jingpynbeit pud ka sorkar Meghalaya bad Assam ym pat lah ban shim kano kano rai ba kyrkieh bad ula bynrap ba ki ar Myntri Rangbah kin jurip shen ia kane ka jaka khappud ha West Karbi Anglong bad West Jaintia Hills haka 15 tarik Naitung namar ka jingkynad ki ar jaidbynriew ki Pnar bad Karbi.