Ka Khubor Wabha!

Syllad | The Rising MeghalayaOctober 17, 2021

Hei I por wa ki nongialam ki ri ha pyrthai waroh kawi, da khai thiah ki syndet syndet mynda shrai ka bei ramew, wa ku ka temperature ha kyllein, neite shlai um hei thaw wym juh ioh um, Rkhiang raw ne kam ha Sohra shisien I por, ka thaw wa ktieh tam ha pyrthai, kopding ki khloo ha California, Turkey Krik wa Italy; wei hei por wa ka Russia pynku dor gas ko ha Germany wa kiwi ha Europe; ka Khubor wa bha da ioh I ha ka jylla iong ii.

Ki mat wa lam sha kani ka Khubor U bah HM Shangpliang (MLA Mawsynram), ha ka Assembly da khana u wa ha Mawsynram constituency iong O, ha iwi ithaw Dholai, da shem u ia I wi i wahduid iwa  thnam thik kam wa tyrthu kini ki gas. Hei jingsakhiat, da pyntip u ha durbar tangwa ym em wa shim khia ia kani. Embhah wa ha ka You Tube, ki bru ka Oil India Ltd, Duliajan da ioo ki. Wut wut da phone ki sha u bah Shangpliang, kular ki haroh waw daw wan noh waw study ia kani ka wah. Te da poi ka team wa kynthup  iu Deputy Manager ka IOLtd, Mr Indrajit Buruah, u Manager, Adam Suting wa sa kiwi won ki scientist. Da lai ki sha Dholai da I jingialam u Myntri ka hima Malai Sohmat. Da test ki du Jingpruid ia i haw haw nei wah duid. Te da rah ki sha Duliajan waw test rap janai. Da ioh phone u bah Shangpliang ia ka Khubor wa bha, wa ka gas toh ka thermogenic ne kani ka Methane (LPG) kam ha Agartala (Tripura).

Hei jingsakhiat marpyrshah ka Dholai, ym jngai ha Chatak kawa hap ha Bangladesh, ka karkhana gas ka Amco Gas plant da dep shna da slem ha Bangladesh. Ka team daw wan biang ko neibhah kat kam ka jingtip u MLA, dang em sa artylli ki thaw, Weisohpieng wa ka Tinsura kiwa em jingkyrmen waw nang ioh kam kani ka gas.

U ii waw poi pyrkhat wa ka Malai Sohmat(Pait ia ka Proposed Draft Constitution of part of Assam namely The Khasi And Jaintia Hills by Rev.J.J.M Nichols Roy (minister ), Assam Govt); kat kum ka census 1947, kawa em Nongshongshnong du 584 don hi (nujor hei juh itu I por wa Cherra 11,302 ne Jowai 13,334; u ioh nam ko kam ka par natural gas ha ri India iong I. U bah Shangpliang Ong u wa kani hap ko ha ka Central subject, ka waw daw shna ka plant. Ka jingmyntoi toh ia ki bru ki iong I ha waroh ki Liang.

Ka jylla ka iong I toh kawa riewspah bha ha ki mar Khyndaw. Ym ie I u len wa nei liang u dewiong tae, da rap Rakot palat I ha waroh ki liang (pait ka ii wa jia Ha Ksan wa Krem Iule). Ka tih thlu khne da pynjot ko ia ka mariang, wa wat la ka NGT katni da e bor ko da kate ka scientific mining kam wa leh ha Jharkhand,kop shitom bha u leh scientific ha thlu khne. Katu ka morjee load (kit 35 ton hei thaw 15 ton), neibhah kini ki 1210 TATA toh ka load 12 ton wa ka boxis ka MOT(Ministry of Transport GOI), 25% mut 15 ton.10 X10 mut 100 Horse Power. To ym pher iei wa da lai da lai, hynrei juh pyrkhat hi ii waroh shi kattu Ii e I ha Mookyndur. Ka Challan ha Mookyndur du 9 ton. Tae, naduh u 1980 haduh u 2014 (da khang ka NGT) man ka sngi la 34 snem. Lada 500 tylli kini ki trok shi sngi e ki challan du 9 ton, ka jylla shah khate ko 35-9 mut 26 ton man ka trok. 34 snem poi ko kamwa 17 klur ton wa duh revenue ka sorkar. Da kini da ie I u shna hospital,ki engineering college wa ki medical leh wa ki thaw ialeh ke ha skur wa ki sanitation haroh.

To neini shaphrang u thngad noh I u I’m Kate ka jingim ha phareng ong ki “The excessive luxury and extravagant life style”. Ha waroh ka pyrthai da kjit lut I I bhah ki khon ki ksu ki iongi.Da. bun ki bru wa ioo jngai da maham ki waw dam noh u thang dewiong wa hap kontrol ia ka temperature hapoh 1.5 degree Celsius, lym kamte ki thah du um lut ki, wa daw ku ki level ki duriaw. Ka Bangladesh daw ku ka um 6 phut. Ki bru daw ku lut ki sha lum naduh Darrang (Dawki) haduh Bataw ne Borghat. Haduh katni leh pait ii jia Ha Sutnga elaka?

U Bill Gates, u wi u wa riewspah tam ha pyrthai, da e u haduh 1 billion $ sha ka green energy. I wi wa sniawtynnad, da kular haroh u u shna khyndaw bilat da kate ka wym pynduh de ia ka mariang kam wa ioo phi harud khloo Narpuh. Ka Lumshnong tae ym slem de hap phet noh shaei wi tawon. Ka Brishyrnot leh, lada sdang tih ka Star Cement ia katu ka 8.2 Km shapoh eco sensitive zone. Sa kini ki JCB (ym em kam pollution test) u mareh ki man ka kynta na pyrdishnong. U ma James da li sylli u ia ka Lukha, wei  da kular u ia ki bru heitu waw daw rah bru u na Israel wa na Amerika u pynkhuid ki ia ka acid da kate ka Algae (aitlen) treatment!? Kawa waroh tip I toh kani ka Algae treatment ym ie ko u pynkhuid ia ki acid. Pynkhuid ko du ia ka Ammonia, Phosphate wa Nitrate hi don. Ioh u u klam ha ki bru wapli ki wym tip ia ka science.

Wat lada kamni, hi leh, ka jingshem ia ka natural gas ha Mawsynram toh ka waw e jingkyrmen ia I, tangwa to u duwai ii wa ka dor toh kawa ie ki wa kup shilliang sem shilliang u ioh bynta lang, neibhah katni ka LPG da ku ko la Jan 1000 Tyngka, sa ka iein lain, sa ka bai kali, thaw thaw shem wa leakhap pynuin nang saja. Ha Delhi won du dei message don hi da ioh gas nu pipe wei su khyrngang.

W Passah
Retd. HOD Electronics
St.Edmund’s College.