Ka lad jingiarap iaki nongseng kam ha Jylla

Syllad | The Rising MeghalayaDecember 3, 2020

Kum shi bynta ka thong “Restart Meghalaya”, ka song ïarap ba la tip kyrteng ïa ka kum “Covid Relief for Small Businesses”, la sdang ban pyntreikam da ka sorkar jylla.

Kane ka song iarap lah ban ioh ïa ka ha ki ar bynta, ba nyngkong ka dei ïa kito ki nongshim ram na ki bank bad ïa kiwei pat ka dei naka bynta kiba thmu ban sdang ban shim ram nyngkong.

Naka bynta kiba dang thmu ban shim ram nyngkong: Kan don ka song ïarap kaba long ha ka dur jong ka grant kaba long haduh 20% naka bynta ka ram kaba long haduh T.50,000, kaba hap lyngba ka Mudra scheme.

Naka bynta kito pat kiba la shim ram lypa: Kan don ka grant kaban ai tang shisien kaba long haduh 10%  ïa uno uno u riew shimet uba la don lypa ka ram kaba u la shim ym duna ïa T.1,00,000 na kino kino ki bank kaba hap ha ka MSME ne Mudra

Kiba kwah ban ïoh jingmyntoi na kane ka song iarap pisa ka sorkar jylla lah ban apply online ne da kaba logging into: https://megha-prime.com/ ne lah ruh ban ioh ïa ka jingtip ba kham bniah na ki common service centre.