Ka lympung ba 33 ka Seng Khihlang kan long ha Wahiajer

Syllad | The Rising MeghalayaMarch 16, 2020

Ka Seng Khihlang kumba ka ju long man la u snem mynta u snem ruh ryngkat ka jingiatreilang ka Seiñraij Wahiajer kan pynlong ïaka Lympung kaba 33 ki khun Samla ka Seng Khasi bad Seiñraij ah Wahiajer.

Katei ka lympung kan long 27 haduh ka 29 tarik mynta u bnai ha Shnong Wahaiajer, West Jaintia Hills naduh ka por 10:00 baje mynstep halor ka mat pdeng “Snap paka ki Longshuwa Suhsieng ka Niam Khasi”.

Ha katei ka lympung yn don ka yn ioh ki jingsneng jingkraw na ki riew rangbah halor kumno ban pynneh pynsah iaka niam ka rukom bad ka Dustur ka Riti kaba la ioh pateng na u blei trai kynrad nalorkata kan don ruh ki jingshad tynre (Culture).

Haka 27 tarik yn rah ia u mawbynna sahnam da ka Seng Khasi Shaid Shaid Mawkyrwat South West Khasi Hills District.

U Rgh, S. Sari Publicity Secretary Sengkhihlang., ula ong ba ka Seng Khihlang ryngkat bad ka Seiñraij Wahiajer ka la khot la wer ia baroh ki khun u hynñiewtrep hynñiew skum ban pyllait por khnang ban sha katei ka lympung.