Ka mang tyngka kaba thymmai ka dei ka ban tei ïa ka lawei ka Ri: PM Modi

Syllad | The Rising MeghalayaFebruary 2, 2024

U Myntri Rangbah Duh ka Ri India u Narendra Modi u la put turoi halor ka Mang Tyngka kaba lah wanrah mynta ka sngi da kaba ong “ba kane kam shym dei satia ka mang tyngka kaba ju paw kumba long manla ka por hynrei ka dei kaba dapbiang pura bad ka mang tyngka kaba paw thymmai.” U la bteng bad ong “kane ka mang tyngka ka dei kaba song ryngkat kaba lah ban pyntyllun iaka kam khlem sangeh” “kane ka mang tyngka kan kyrshan ïa ki païa halor ka jinglah ban kyntiew ïa ka ri India – na ka bynta ki samla, kiba duk ba rangli, ki riewkynthei bad ki nongrep.”

Ha ka jingïaroh ïa ka Myntri ba khmih halor ka mang pisa tyngka ka Nirmala Sitharaman halor ka jinglah ban ïohi jngai jong ka, u Myntri Rangbah duh u la ong “ka mang tyngka ba la wanrah da ka Nirmala ka dei ka mang tyngka ka ban tei na ka bynta ka lawei jong ka Ri.” U la ban ruh ban ong “kane ka jingmang tyngka ka dei kaba la pynthikna ban nangpynkhlaiñ ïa u mawnongrim jong ka Viksit Bharat hapoh u 2047.”

U Myntri Rangbah duh ka Ri u lah kdew ruh ba kane ka “mang tyngka ka dei ka jingpaw shynna jong ka India kaba dang samla.”  U la pynpaw halor ki artylli ki mat ba kongsan ba ïadei bad kane ka jingmang tyngka, kata “ka mang ba T.1 lak klur  ba la pynbna halor ki kam wadbniah bad ki jingwad ïa ki jingshem bathymmai.” Kawei pat halor ka jingpynjlan ban pyllait ka jingot khajna na ka bynta ki nongseng kam thymmai ba kynthup lang ha kane ka jingmang tyngka.

U Myntri Rangbah duh ka Ri u la pyntip ruh ba ka jingmang halor ka jingpynlut baroh ka dei kaba la kyntiew sha ka mang kaba kot sha ka T. 11,11,111 klur ha kane ka jingmang tyngka. Ha kaba ïadei bad ki bynta  jong ka jingtih bniah ïa ka ïoh ka duh u Modi u la ong “kane ka kdew halor ki kyndon  treikam kiba lah ban pynbiang pylla halor ka jinglut bad ka jingïoh jingmyntoi”. U la bteng ba kane ka lah ban thaw ki lad aikam aijam da ki million bad ka jingplie ka lad ïohkam ïohjam na ka bynta ki samla  ryngkat bad ka jingtei thymmai jong ka spah snem ba 21 ha ka ri India. U la pyntip ruh halor ka jingshna 40,000 tylli ki shaka rel kiba thymmai na ka bynta ka Vande Bharat Standard bad pyndait ruh ïa ki ha ki rel paidbah kaba lah ban kham pynaram bad pynsuk ïa ki klur ngut ki nongleit nongwan  kiba ju pyndonkam da ka rel ha kylleng ka Ri.

Halor ka jingbuh thong, u Myntri Rangbah duh u la ong “Ngi buh ka thong kaba heh, ban kynjoh sha ka bad nangbuh shuh shuh ka thong kaba kham hakhmat jong lajong.”  Ha ka jingkdew ki jingpyrshang jong ka sorkar na ka bynta ka bha ka miat jong ki ba duk ba suk bad kito kiba kham duna ka ïoh ka kot, u la pyntip ba ka lah dep ban shna haduh 4 klur tylli ki ïing ha ki shnong bad ki nongbah bad la nangpynkiew ka jingbuh thong ban shna sa 2 klur tylli ki ïing.  Ha kaba ïadei pat ka jingpynkup born a ka bynta ki kynthei, u Myntri Rangbah duh ka Ri u Modi u la ong, “ba ka thong jongngi ka dei ban pynkupbor ïa 2 klur ngut ki kynthei ban long ki ‘Lakhpatis’ napdeng ki kynthei ha kane ka ri. Bad mynta kane ka thong ka dei kaba la nangkiew sha ka 3 klur ban pynlong ki ‘Lakhpatis’.”

U Myntri Rangbah duh ka Ri u Narendra Modi u la ai jingïaroh ruh halor ka jingpyntreikam ïa ka Ayushman Bharat Yojana halor ka jinglah ban ai jingïarap bad kyrshan na ka bynta kito kiba duk ba rangli, bal ah ruh ban ai jingmyntoi ïa ki nongtrei Anganwadi bad ASHA.

Shuh shuh u la pynpaw ruh ba ka sorkar ka dei kaba don jingthmu ban paynkup bor na ka bynta kiba duk bad kiba dang sahdien ha ka ïoh ka kot lyngba ka jingthaw ki lad thymmai na kane ka mang tyngka. Ha kaba ïadei bad kane u la kdew halor ka Roof Top Solar Campaign hapdeng ba ki don haduh 1 klur tylli ki longing kiba lah ïoh bording ei, bad kumng sjuh ruh ka jingïoh kamai kumba T.15,000 haduh T. 18,000 ha ka shisnem da kaba die bording sha ka sorkar.

Ha kaba khatduh u Myntri Rangbah duh u la pynbna ruh halor ka skhim ban pynduna ka jingsiew khajna kaba lah ban ai jingmyntoi haduh 1 klur ki paid nongshong shnong kiba dei na ki kynhun jong kito kiba dang duna ka ïoh ka kot.  Halor ka jingshim rai na ka bynta ka bha ka miat jong ki nongrep lyngba kane ka mang tyngka, u la kdew halor ka jingpyndonkam ïa ka Nano DAP, ka skhim thymmai na ka bynta ka jingri mrad, ka jingpynïar ïa ka PM Matsya Sampada Yojana bad ka Atma Nirbhar oil seed kaba lah ban kham pynjur ka ïoh ka kot na ka bynta ki nongrep bad pynduna ka jinglut jingsep. U Myntri Rangbah duh u la pynkut ka jingkren jong u da kaba ai khublei kitbok na ka bynta baroh ki nongshong shnong ka ri halor kane ka mang tyngka ka ban sah kynmaw junom.