Ka Mariang ka ud

Balei shisha ko khun bynbriew,
Ba ngim kyndit bynriew?
Mariang ban ïa pynitynad,
Ba ïoh ngi shah sympat.

Ka mei mariang ka ud ka tmang,
Ki sim ki doh ruh ki ïam kthang;
Ka bri u khun u Hynñiew Trep
Balei ïa mariang ngin kheiñ snep?

Ko Ri khasi ba shong ki Blei,
Hynrei mynta pha don shaei?
Ki lum ki wah ki ba don nam,
Lajot lapra, bad la bud nam.

Na Khanapara sha Malidor,
Ban peit ha nga ym i shong dor;
Ki lum ki wah ki kylla rong,
Namar ka spah ban leh sarong.

Jakhlia jakhlait la ker sawdong,
Ha man ki shnong bad la ki dong;
Nga ong shisha phi theh hangne?
Baroh kin ong ki leh kumne!

Mariang sawdong ngi la pynmong,
Ha nga marwei te ka ïoh nong;
Ynda haba la kylla dpei,
Kan buh jingeh ïaki lawei.

Ki sim ba kynud la ki sur bun jait,
Kine baroh ki la sdang duh jait;
Ki dieng ki soh ba bun kyrhai,
Kine baroh la sdang jah rngai.

Ki lum ki wah kiba don nam,
Ban peit mynta te la i tmang;
Tang ban ioh ka spah mariang,
Ngi long pynban ki mangkariang.

Lano shisha keiñ khun bynriew,
Ia mariang pat ngin pynbha briew?
Ioh lap ba poi ka por kan dier,
Kan long ïa ngi kum haka tmier

By | Pynhun Dhar, Ratacherra