Ka MeECL ka pynmih haduh T.850 Klur shisnem donkam ban nang pynkhlain iaka bor pyniaid: JAC

Syllad | The Rising MeghalayaAugust 29, 2020

Ka MeECL ka kamai Phra spah Sanphew klur tyngka haka shisnem na ka jingpynmih bording bad ka donkam iaka Management (bor pyniaid) kaba khlain khnang ban kham pynkhlain shuh shuh iaka ioh ka kot jong ka MeECL, ong u Engineer MF Mawlieh, General Secretary MeECL Engineers’ Association bad uba long ruh u dkhot jong ka Joint Action Committee (JAC).

The JAC ka kynthup iaka MeECL Engineers Association (MEA), the Association of Power Engineers (APOE) bad ka  MeECL Accounts Association (MAA).

U Bah Mawlieh ula ong kila pynkut iaka jingiakhih deng lama kum ka dak ban dawa thung Chairman cum Managing Director ba pura da u Senior IAS bad Director Finance da u Senior IAS ban khlain ka bor treikam jong ka MeECL

“Na shabar ngi iohsngew tang ka jingduh nong, jingpan ram bad jingdap ram jong ka MeECL hynrei na shapoh ka MeECL ka long kaba bit kaba biang, ka don shibun ki nongtrei kiba ym palat shuh iaka Lai hajar ngut. Ka MeECL ka pynbit pynbiang iaki nongtrei jong ka kiba mynta kumjuh kiba la shongthait da kaba pynmih hi iaka Revenue”, la ong u Bah Mawlieh. 

“Ka MeECL kamai ka Phra spah Sanphew klur tyngka haka shisnem na ka jingpynmih bording bad dei namar kata donkam iaka Manegement kaba pura kaba khlain khnang ban kham pynkhlain shuh shuh iaka ioh ka kot jong ka”, ong u Bah Mawlieh.

Ha kaba iadei bad ka jindawa ban thung ia u Chairman & Managing Director (CMD) jong ka Meghalaya Energy Corporation Limited (MeECL), ki nongialam ka MeECL ki la ong hadien ba la shongthait noh u CMD barim ka sorkar ka la thung noh ia u CMD Incharge bad une u CMD Incharge u bat marwei iaki Sawtylli ki Post.

“Lada uwei u briew u bat iaki Sawtylli ki Post, haka Board of Directors lada don kino kino ki policy kiba hap ban shna ruh kin nym long kiba wanrah jingmyntoi. Kumta ka MeECL Joint Action Committee ka la dawa na ka sorkar ban pyntrei kam iaka jingkyrpad ban thung noh kloi ia Director Finance, Director Human Resource bad Chairman cum Managing Director jong ka MeECL khnang ba kane ka Corporation kan khlain bad kan iaid sha ka lynti ba ioh nong na bynta ka jingbha ki nongtrei ka MeECL bad ka jingmyntoi jong ka Jylla.

“Ka MeECL JAC kila pyrshah ruh iaka jingshah sospon jong u Resident Engineer jong ka Leshka, la ong ba ka jingshah sospon jong u, ka long beit hak dak kaba shuh leh kyrkieh khlem da iaid lyngba ki kyndon ki ain, la ong u Bah Mawlieh.

Ngi pynpaw ka jinsngewsih iaka jingduh noh u Transformer ha Leshka  namar ym lah ban tan bording kaba biang ha ka por ba jur slap hynrei kaba sngewsih ka long ba la sospon kyndit kyndit ia u Resident Engineer bad dei halor kane ka nongrim ngi pyrshah ia kane.

La kyrpad iaka Management ba kan peit bniah halor kane khnang ba kiwei pat ki Engineer kin nym don haka jingsngewsyier bad la kyntu ruh iaki bor pyniaid ban don long ki nongai mynsiem ym ban pynduh mynsiem iaki nongtrei bad kyrpad ban weng noh iaka hukum sospon ia u Resident Engineer.