Ka Mega Camp ha Mawkynrew bad Nongkrem Constituency haka 11 bad 12 tarik K’Lyngkot

Syllad | The Rising MeghalayaJanuary 8, 2022

Ka ophis jong ka Deputy Commissioner, East Khasi Hills District kan sa pynlong ia ka Mega Camp hapoh ki polling station jong ka Mawkynrew bad Nongkrem Assembly Constituencies ha ka 11 bad 12 tarik U Kyllalyngkot, 2022. Ha kane ka camp kan don ka jingai tlka Covid-19, ban registar kyrteng ia ki nongbylla kl bym pat don kyrteng ha ka thup kyrteng jong ka seng ki nongbylla lyngba ka e-Shram, ka jingpynrung kyrteng na ka bynta ka card Aadhar bad kajingpyniasoh ia ki Aadhaar card na ka bynta kiba bat ia ki Card Ration.

Ha kaba iadei bad ka jingai tika Covid- 19 hapoh kitei ki polling station, la kyntu bad ai jingmut ia baroh ba kin shim khia halor kane ka bynta bad ban leit tika ialade ha kitei ki sngi kiba la kdew haneng, khamtam eh ba mynta, sa uwei u virus thymmai uba ka WHO ka la jer kyrteng kum U Omicron u la sdang ban ktah ia ka Pyrthei hi baroh kawei. Ban iada na une u Virus, dei tang ka tika kaba lah ban iada ia ngi bad ka imlang ka sahlang ka jong ngi. Da kaba ai tika, wat lada ngi ioh ia kane kajingpang ruh hynrei ka pyllait ia ngi na kajingleit thiah ha ki Hospital bad lait na kajingiap.

La pynshlur ia ki paidbah jong ka Mawkynrew bad Nongkrem Assembly Constituencies ba kin leit ai ia ka tika ha ki jaka ba la pynbeit hapoh ki polling station jong ki ha ka 11 bad 12 tarik U Kyllalyngkot 2022 bad ba kin ym pynlehnohei ia kane ka lad ka kabu kaba ka Sorkar ka ai na ka bynta ka bha ka miat jong baroh.