Ka Music Video ‘I Iong I Da-Hi’ kawa daw pylleit paidbah, da chna kyrpang wow tule wow kynrong ia ka sap ka phong ki Khon ka Ri Jaintia

Syllad | The Rising MeghalayaOctober 23, 2021

Ka Youtube Channel “RJ Musical Wonders” kawa man ka Youtube Channel wa thymme kawa da chna kyrpang nei bynta wow tule wow kynrong ia ka sap ka phong ki Khon ka Ri Jaintia  kamjooh wow pynskhem wow pynkrai ieiwa da sikai ki Waheh Wasian nachwa nynde, ha kani ka kynti da pynkhreh ko wow pylleit peitbah ia ka Music Video wada e Pyrtuid      “I Iong I Da-Hi” iwa man kam I sur wa e iei sniawngooh ia ka Ri Jaintia na ki paid nongchong chnong ki iong ka heidur I rwai wa I Chaad.

Ha kani ka Video da em bynta lang da ki Pnar, ki War wa ki Biate kam ki nongchnong chnong wada ia imlang chiroop chiroop naduh nachwa ha ki thawaner ka Ri loom Jaintia. Da ia chimbynta hei chaad  da ki Khyllood wa chyrkhei bha u Chad ryngkat wei emlang ki diahmai wa ioo ngeit nood wei ioo kdang nood u peit.  Da rwai leh ia ini I sur ha ki le tylli ki ktien: I ktien Pnar, I ktien War wa I Ktien Biate. Da Riň dur ia kani ka Video cha ki thaw wa ioo kynjai wei ioo bang hapoh ka ri lum Jaintia.

Ia kani ka Music Video da pynwan dur da u Ma Juhhi Nanghuloo ryngkat wa u Ma Konel Phira (Uwa juh tip bha I kam u Ma Slaek) na Panaliar Jowai katwa u wai Peitbah ia kani ka Music Video ha ka 31.10.2021 ha Yungwalieh Panaliar Jowai.

Ka RJ Musical Wonders lyngba kani ka khubor kyrpad ko ia phi waroh ki pra ri pra muluk wow e phi iei kyrchan wei e mynsien chuh chuh phi ia I, deiwa subscribe ha u Channel Youtube: RJ Musical Wonders kamjooh leh hei wow ioh phi u ioo ia ka Official Music Video ha ka sngi wow pylleit peitbah ia ka.

Ia ka Teaser lane ka Trailer iong ka Music Video yie phi u peit ha kani ka link wada buh lang heini hawah.