Ka mut aiu Staus Quo? haba nga kylla Khasi ka mut sha bneng ruh em sha khyndew ruh em ong u Bah Prestone Tynsong

Syllad | The Rising MeghalayaDecember 8, 2022

“Bunsien ha ki jingialang pynbeit pud hadpeng ki Ar Jylla ka Assam bad Meghalaya marsien ia mih baroh arngut ki CM kin ong Status Quo. Bad haba nga pyrshang ban kylla sha ka ktien Khasi ha nga marwei ka mut ha bneng ruh em sha khyndew ruh em,” la ong u Bah Prestone Tynsong.

Namar kane ka Status Quo kiba pli kiba sah ha khappud ki shem shitom la bun bun phew tylli ki snem, la ong Bah Prestone haka jingialang ha Mihmyntdu, West Jaintia Hills haka sngi Palei.

“Ka jingjia ha Mukroh ngin nym klet shuh bad ngan ym klet shuh, ngi mynta na kaliang ka sorkar ngim nym iakren shuh iaka status quo, ngi ong to ngin iapynbeit khnang ba kan ym jia shuh ka jingjia kaba sngewsih kumba ngi la mad ha kine ki khyndiat por bad ha kine ki phew snem bala dep,” la ong u Bah Prestone.

Ula ong Prestone ula ong ban suk ban sain ki nongshong shnong ha ki jaka khappud ka sorkar MDA kala shim iaka sienjam ban pynbeit ia u pud u sam ka Jylla hadien 50 snem. Ka jingpynbeit pud na ka bynta ka wat kaba ar kiba kynthup iaka Block I, Block II Khanduli, Psiar, Ri Bhoi, Langpih bad kiwei kiwei ngi la kut jingmut ba ha kine ki sngi ki ia ban wan ha kane ka wat kaba ar ngin ia pynbeit noh mar mar.

Haba don ka jingiapynbeit bad ka jingiakren u paidbah nongshong shnong um dei ban sngewthuh bakla namar ka dei ban don khyndiat kan don ka plus ka minus, la ong u Bah Prestone bad bynrap ba haba pynbeit ia u pud u sam baroh ar kin hun lang, kata ka dei ka nongrim jong ngi na kaliang ka sorkar kaba ki iengskhem ban pynbeit ia u pud u sam.