Ka NEET Wa Ki Khynnah Wa Thrang Pure Doktor

Syllad | The Rising MeghalayaOctober 19, 2021

Naduh u snem 2019, u snem wa shim ka NEET wow jied noh da ka ki ï ki khynnah wa da pass bha ha ka HSSLC science stream, la na ka board (MBOSE) ne CBSE ne ICSE ki khon ki iongi, ym em de ki wa ioh lai pure Doktor, wat lada ioh ki khajiak ka Scheduled Tribe Concession.

Ini da pynman I ia nga wow buddien naduh katu ka NEET ha u snem  2020. Kynmo I heitu I por wa ki khynnah waroh ha ka ri India da kyrpad ki ia ki bor sorkar wow sniawbha wow pynsangeh noh shwa, neibhah uni u Covid dang shkeh u wei sa ka shlai um ha ki 4 tylli ki jylla. Ki bei ki pa leh wa em ki principal leh da kyrshan lang ki, tangwa ym em wa pyrwa. Da kyrpad iu Prime minister leh ym ioh I ï I jingiarap. Kut ka kyrpad, te ki khynnah da pan ki du wow postpone, I te leh ym em wa ap, kut ka luti mynda ka Supreme Court ong ko “Life must go on”. Ha Meghalaya, ha uwi u khubor phareng (Meghalaya Times) da ioo I wa thoh ki kamni “Students want to defer, but Govt says no” kani pynioo ko ka jingwympyrkhat ia ka khia ka shon ki khon iongi.

Mar ia ioh order na ka Supreme Court, ki jylla waroh, lait noh ka Tamil Nadu da kmen ki. Te da kular ki (1) U pynbun ki ki centre (2) U pynbun ki ki bus waw suk (3) Ham khuslai ia ka SOP waw shngain ki khynnah wa bei wa pa. Haka 13 tarik u September (Naikhynde), ki khynnah ha Bihar hap shong da ka lein waw poi thaw eksamin. U wi u khynnah hap book hotel le sngi ha Hyderabad. San ngut ha West Bengal da walk out ki wym biang kitu ki SOP. Na Khliehriat sha Jorabat hap book da taxi haduh T. 10,000 wa hap kit du khajiak. Ha Shillong te embhah wa du shiphaw Km don hi ki centre. Hei por eksamin I por wow ialeh kani ka test wow kynjoh sha wa thmu, sniawsih u ong wa ka sorkar ka iong I pynbna ko wa ym em Test Covid ha ki border Inter district ha ka last minute. Te to pyrkhat hi phi kiwa pure haduh katnu shim khia I na bynta ki khon ki iong I.

Embhah wa da ioh download O ka Physics em 44 tylli ki jingkylli kite ki objective (CCQ ne common choice questions). Wa em ki wa ha iung na Jowai, te da Ioh O u pait bniah. Toh u tip i wa hadien ki jingpynioo wa bun ha Kot khubor wa ki kot Mehta & Brs 11 & 12 em jingbakla, wa ki 9 & 10 da Sally & Agarwal bun du ithoh stad khlem nongrim, kani ka MBOSE khadduh khadwai da pynkylla ko ia ka kot 11 & 12, wei da buh da ka CBSE (NCERT Text). Da leh iei ni na bynta ki session 12 ka 2019. Hei juh I por, ka NCERT da pyndam noh ko ar tylli ki topic, ka Logic Gates wa Transistor. Heini leh thulmur ka kam ha Jaintia, em wa ioh order wa em ki wym ioh. Te bun ki khon ki iongi da pynsep ai bun taiaw u pure ia kiwa da omit. Ha Chemistry leh, shi bet da khana wa ym em kam u pure Solids, hadien won poi ka order wa em kam. Ka Physics te ki topic wa da omit toh kamwa 12 marks. Ka Chemistry te 5 marks. Wat la katte leh ka eksamin toh u man ryntih ki marks wei bait.

Kini toh ki ii ki ii wa pynduh jingkyrmen ia ki khynnah. Na ki 44 tylli ki objective, kitu wa da omit da ka NCERT wan ki ar tylli wa 4 marks. Kop ha Delhi,  kini ki wa set jingkylli, ym em ki consult wa ka curriculum solansar ka ri India. 6 tylli te bakla ki. 8 te thik ne kam ki jingkylli IIT ne CBSE ne JEE kiwa man conceptual, ym em kitu ki memorisation ki formula da ki spah tylli wei ki jingkhein multiply ne divide ki wa tuh por khamtam por Covid, wa hap niad ki haw haw na ki masks. Kawi kawa ym ie u pyrkhat toh waroh kini ki jingkylli ha Physics, du iwi tnak ne na CBSE Class 11 part 1&2. Sniaw phylla wa kat kini ki kynrum kynram, dang em bun kiwa score 720 na ka720. U Aitab u wa top duh da khut ka coaching centre ka Akash ha Delhi wow e testimony u ia ka Akash wei ia ka Help book Physics da Allen. Da buh ha YouTube wei da neh kamwa so sngi. Mynda jur wara ki comments na ki khynnah,da pyndam noh ki.

Da thoh da ka e mail sha u Director NCERT, hynrei ym ioh jubab. Uni u snem 2021 leh ha ka Physics, em ar tylli kiwa bakla. Shwa ka eksamin NEET 2021, da thoh O sha u ma Rymbui wow Ong u ia ki professors college I/C ka Physics MBOSE wow sniawbha wow pait bniah ki ï ki jingeh ki khynnah ki iong ï.

Dang tynde kitu kiwa khlieh duh ki marks ha HSSLC ne kinu kinu leh kam CBSE ne ICSE, ha Physics, Chemistry wa Biology da submit ki ki application sha DHS (Ha kiwi ki jylla leh). Ka DHS jied ko, wei phah ko sha ki kolej kat kum ka first wa second preference (pait ki ka %) kini ki doktor wa ioo I katni ha jylla iong I, toh kini ki wa da pass bha.

Ka Tamil Nadu kawa da ioo wa kiwa duk wa duh ym em lad u pass NEET, wat lada leh bha ha Secondary, neibhah ym ie u compete wa kitu ki heh spah wa shah spoonfed da kini ki bazar notes ne Made easy, da pass ko ka bill ha Assembly la ar B’nai wa wow lai pure Doktor toh ka state subject. U retd Justice ka Tamil Nadu da buh petition u ha ka Supreme Court. Katkum ka Constitution ka admission ha kanu kanu ka college (BA ne Bsc ne Medical ne Engineering etc) toh ka Jingemlang Ka Centre wa State wow rai ym toh du Shilliang don hi.

Lada jop ka Tamil Nadu ka jingmyntoi toh ia I wa ka ri India waroh kawi. Ka Tamil Nadu wa ioo ryai ko ia ki 300 ngut ki khynnah wym qualify hu 2020, da pynpsut ko ha ki kolej iong ka .Ka jingkyrpad ia ka Tnad Pure wa toh u shim khia ko ia ka kam iong ka. Ym juh tip ko katnu ki khon iongi la ar snem da duh lai Doktor wow tip ko kammon u leh neini shaphrang. Ka NDTV thoh ko kamni “The Supreme Court slammed NEET for last minute change in syllabus”. Ha Maharashtra da kem ki kite ki ‘impersonator’ (nonglaleh eksamin neibhah kiwi) kiwa da kamai haduh 50 lak Tyngka samen.

Ha uni u snem kani ka NEP u Prime Minister da e lad ko san tylli kite ki ktien u thoh ha engineering eksamin. Kani ka tnad wa technical wa sketariat ym pyrwa ko. Ha o waw pass, hap thoh I pasoh da ka phareng neibhah ki engineering terms ym em ha ka Hindi wat Bengali kawa riewspah ki Ktien. Hynrei, juh pyrkhat hi ki hei por wa evualate. Ym waroh ki wow lait na ka mynsiem maia ia kitu wa thoh ktien iong ki hi (mother tongue). Hei por man VC u ma Pakem, da leh u I kam wa bha ha ka Examination System. Da decode ki ia ka Page nyngkong wow buhrieh ia ka pyrtuit ka College wa Roll Number wa Registration. I leh? Khnang ioh dam ka sniaw sbun ne maia ia ki iong ki. I Jinglong bru te ym lait mo I jingduna hei thaw hei thaw. Ha kani ka NEP, ki khynnah wa thoh da English kam ki Naga, Ki Mizo, Ki Pnar Khasi wa ki wa ha South da pynioo ki ia ka mother tongue iong ki. Ka Doktor te ym lei lei neibhah ym em ktien lait na English. Pait hu Covid waroh waroh da klam wei thoh phareng kam Vaccine, Comorbidity, Social Distancing, Oxygen, First jab, second jab, RTPCR test, ventilator, Variant etc etc.

Lada shna noh I ki medical wa engineering kolej wut wut, ki khynnah ki iong I daw ioh myntoi ki shibun.

Khadduh shwa u pynkut ka jingkyrpad o ia u ma Rymbui u Minister Education wow pynlait san shyein noh u ia ka Physics da u Sally wow Agarwal. Ha o da pher ki ar tylli ki topic wa thoh bakla, ka Supersonic boom wa ka Jingbatai iu fuse (electric). Hadien wa da Pher kitai, nang ku dor pathan na ka T.250 shaka T.285. Wei katu ka order ia ki head wym e ia ki khynnah waw pure kot rim, ktah ko ia kiwa duk kiwa ioo luti na kiwa e ei kam wa juh leh. Waw pyniasoh ka kot ha 9 & 10 kawa bun jingbakla wei thoh stad, wa ka Kot 11 & 12 CBSE kawa bha tam buh ko ia ki Nonghikai wa khynnah ha ka jingeh wa khroo bha. Ym ie te u len wa ki number ki copy poi ki sha ka 30,000 tylli shisnem. U I wa da approve, hawa da kylli leh ym em wa khana. To ieh noh kite ki ii ki ii sharud. Sniawbha buh lang noh da ka CBSE ha 9 & 10.

Sa iwi I jingkylli toh ini “Naduh Class A haduh 12 da khreh Minot bha, wei da ioh 95% ha Physics, Chemistry wa Biology. I leh won hap pass sa ia kani ka NEET??” Ki bei ki pa to da pyrkhat bha mo.

Da u W Passah
Member of the 2005 workshop on curriculum 11&12 Physics) & textbooks evaluation committee arranged by DERT Govt Meghalaya in collaboration with National Curriculum Frame Work New Delhi.