Ka North Liberty HSS bad Adventist HSS ki skul kiba paw na rilum Jaintia haka Result MBOSE Science & Commerce Stream

Syllad | The Rising MeghalayaJuly 30, 2021

Ka North Liberty Higher Secondary School, Jowai bad ka Adventist Higher Secondary School, Thadlaskein ki dei ki ar tylli ki skul kiba paw na Rilum Jaintia haka thup jong ka First Ten Position haka result eksamin HSSLC Science bad Commerce kaba la pynbna da ka MBOSE haka sngi Thohdieng.

U Luigi Dalian Pasweth jong ka North Liberty HSS ula wan haka kyrdan kaba lai haka result HSSLC Science hadien ba ula ioh khur 470 marks bad u la ioh bun eh ka marks haka subjek English haduh 92 marks.

U Roshan Tiwari na ka Adventist Higher Secondary School ula wan balai haka eksamin Commerce hadien ba ula ioh khur marks 459.

Haka Result Science Stream ka St Anthony’s kala bteng ban thaw history da kala wan nyngkong haka first-ten. Ka Rachoita Das ka wan haka kyrdan ba nyngkong hadien ba kala ioh marks 477 bad u para klass u Akash Paul ula wan ba ar ba ioh marks 471.

U Debraj Nag jong ka Laban Bengalee Boys’ HSS ula wan nyngkong hadien ba ula ioh mark 472 bad ka Sanjana Singhania na St Anthony’s HSS kala wan ba ar haka Commerce Stream da kaba ioh marks 465.