Ka North Liberty HSS bad ka RC Eve SS ki lahduh haka Subroto Cup ha Jowai

Syllad | The Rising MeghalayaJune 25, 2022

Ka North Liberty Higher Secondary School bad ka RC Eve Secondary School, Mihmyntdu kila ioh ban rah iaka nam lahduh haka Subroto Cup ne ka Inter School Football Tournament ba la pynïaid da ka ophis u District Sport Officer, West Jaintia Hills District.

Kane kala wan hadien ba kine ki ar skul kila jop oiaka jingiakhun final kaba long haka sngi Saitjain ha Kiang Nangbah Stadium. Ka North Liberty HSS kala jop ha ka Under-17 Boys bad Girls, katba ka RC Eve SS kala jop haka Unde-14 Boys’

Haba phai sha ka jingïakhun U-14 jong ki khynnah shynrang ka North Liberty H/S School ka la shah liem noh haka RC Eve Secondary School, Mihmyntdu da 2-1.

Haka jingiakhun Under-17 Boys ka North Liberty H/S School ka la pynliem da 1-0 ïaka Little Flower HSS Ummulong.

Katba haka Under-17 Girls ka North Liberty HSS ka la pynliem ïaka Kiang Nangbah HSS da 3-0.

U kongsan uba wan sakhi ia kane ka final u dei u Assistant Director Information and Public Relation Ma R Muksor. La iadonalng u ma K. Passah DSO West Jaintia Hills, ki dkhot ka WJDSA bad ki nonghikai.

Da kane ka namjop haka district level ka North Liberty HSS bad ka RC Eve SS kin pynkhreh mynta ban leit mihkhmat iaka district West Jaintia Hills sha ka State Level.