Ka NPP kam dei satia ka nongthied ne ka nongdie ia ki nongialam sain hima, ong u Bah Prestone

Syllad | The Rising MeghalayaOctober 27, 2023

U Nongialam ka Seng National People’s Party (NPP) uba dei ruh u Symbud Myntri Rangbah ka Jylla, u Bah Bah Prestone Tynsong haka 26 tarik Risaw, u la ong ba ka NPP kam dei satia ka nongthied (importer) lane ka nongdie (exporter) ia ki nongialam sain pyrthei.

Haba kren sha ki lad pathai khubor u Bah Prestone u la ong, “Ngim dei ki nongthied lane ngi dei ki nongdie, hynrei ngi dei ka NPP, ka National People’s Party bad ngi trei na ka bynta ban shakri ia ka bha ka miat jong ki paidbah bad ka jylla Meghalaya bad ym tang ka Meghalaya hynrei ia ka thain shatei Lammihngi hi baroh kawei”.

U nongialam ka liang pyrshah Congress ha Jylla bad uba dei ruh u MP ka Shillong, u  Bah Vincent H Pala dang shen ula kynnoh ia ka NPP ba ka dei ka nongthied kyrtong kiba dei na ka Seng All India Trinamool Congress (TMC) bad ka Bharatiya Janata Party (BJP) ha ka elekshon Lok Sabha (MP) ka ban sa long ha u snem ban wan.

Haba kylli halor kane, u Bah Prestone ula ong ba um don jingtip satia halor u Bah George ba u lah ban wan iasoh sha ka NPP.