Ka NPP kan ïeng pyrshah ïaka CAB: James Sangma

Syllad | The Rising MeghalayaFebruary 19, 2019

SHILLONG: Shi sngi hadien ba u National President ka Bharatiya Janata Party (BJP), u Amit Shah u la ong ba ka seng kan sa pynkhie im biang ïa ka Citizenship Amendment Bill (CAB) 2016 lada ka wan biang ha ka bor, u Myntri ka tnad ki kam pohiing ka jylla, u James PK Sangma u la kren shai ba na ka liang ka National People’s Party kan ieng pyrshah beit CAB.

U Amit Shah u la ong ban pynkhie im biang ïaka CAB haka ka jingïalang  paidbah ba la pynlong da ka BJP ha Assam.  Une u heh nongialam ka BJP u la pyntikna ruh ba na ka liang u Myntri Rangbahduh ka Ri, u Narendra Modi un sa wanrah biang iaka CAB.

Kumban shu pynkynmaw, ka BJP kam shym la lah ban wanrah ïa CAB hapoh Rajya Sabha naka daw ka jingpyrshah jur ki party bapher bapher hapoh ka ïing dorbar.

“Ngi ieng skhem ha ka nongrim ba ka CAB ka buh jingma ym tang ïa ki nongshong shnong hynrei ia ka thaiñ Shatei Lammihngi hi baroh kawei,” ong u Sangma haba iakren bad ki nongthoh khubor hynne ka sngi bad dei halor kane ngin ieng tylli lang kawei ban ïakhun pyrshah ïa ka CAB lada jia ba pynkhie im biang ïaka.