Ka NPP kan jop bun tam ki kyrtong ha baroh ki artylli ki ADC: Dhar

Syllad | The Rising MeghalayaJanuary 28, 2025

U National General Secretary ka Seng NPP uba dei ruh u Symbud Myntri Rangbah, u Bah Sniawbhalang Dhar ha ka 27 tarik Kyllalyngkot u la pynpaw ka jingsngew skhem ba ka party kan ioh ia ka jingjop kaba bun tam jong ki kyrtong ha kane ka elekshon MDC na Khasi Hills Autonomous District Council (KHADC) bad Jaintia Hills Autonomous District Council (JHADC) ka ban long ha ka 21 tarik Rymphang.

“Ka NPP kan ioh ia ka jingjop kaba bun ngut tam ki kyrtong bad kan thaw ia ka Executive Committee ha baroh ki artylli ki Autonomous District Council,” ong u Bah Sniawbhalang haba kren sha ki lad pathai khubor.

U la kam ruh ba ka lyer jong ka party ka la nangkhlain katba nang mih ki sngi, da kaba bynrap ba, “Kane ka dei namar ba ki paidbah ka jylla ki kwah ia ka roi ka par.”

“Kumta ruh kane ka jinglong jingman ka pynpaw ia ka dak kaba sngewtynnad shibun na ka bynta ka party ha baroh ki artylli ki ADC,” bynrap u Bah Sniawbhalang.