Ka Open Basketball Tournament ka WJDSA kiba jop kin rah iaka song pisa 90 hajar & 45 hajar

Syllad | The Rising MeghalayaOctober 11, 2022

Shibynta ka jinglehkmen Golden Jubilee, ka West Jaintia District Sports Association (WJDSA) kala pynbna ba kan pynlong ïaka lympung ïalehkai “Open Basketball Tournament” na bynta ki shynrang bad kynthei. Kane ka jingiakhun ka dei All India bad yn pynlong haka por mynsngi bad mynmiet (Day & Night).

Kane ka lympung ïalehkai kan sdang naduh ka 18 tarik haduh 25 tarik Risaw ha madan ïalehkai basketball ka Thomas Jones Synod College, Jowai.

Ka bai rung na bynta ki shynrang ka long T.5000/- bad ka bai rung na bynta ki kynthei ka long T. 3000/-.

Katba ka khusnam iaki lahduh na ki shynrang kan long T.60 hajar ba wan ba ar T.30. Na kikynthei pat ka khusnam lahduh ka long T.30 hajar ba wan ba ar T.15 hajar.

Ki don ruh ki khusnam shimet kiba kynthup iaka MVP, Top Scorer, Defensice Player bad ka Proimisiong Player.

Ka tarik khatduh ban pdiang ïaki phom kan long haka 12 tarik Risaw shuwa ka 5.00 PM. Ia ki jingtip ba khambniah phone ha une u number 9774890389.