Kut noh ka Open District Chess Competition ka Thomas Jones Synod College

Syllad | The Rising MeghalayaJuly 2, 2022

Ka lympung ialehkai Open District Chess Competition kaba la pynlong da ka Thomas Jones Synod College bad ka Jaintia Hills District Chess Association kala poi noh sha kaba kut ha Thomas Jones Synod College haka sngi Saitjain.

Kane ka iakop ialehkai Chess ka long ruh shibynta ka jinglehkmen 25 snem ka Thomas Jones Synod College.

Kane ka jingiakop kala sdang haka sngi Thohdieng bad kila don haduh 30 ngut ki nongiashimbynta kiba na East Jaintia Hills District bad West Jaintia Hills District ba ki khynnah skul na ki skul bapher bapher.

Ka kyrdan iakhun la phiah haka Open Category bad Junior Category bad la ailad ïaki nongïashimbynta mar 15 minit bad ka jingïakhun ka long 7 wat (round).

U Kongsan ba wan plie pyrda ia kane ka jingiakhun u dei u MDC Jowai North u Brightstar Chyrmang bad u Superintendent of Police West Jaintia Hills ula wan ban pynhap pyrda ia kane ka jingiakop kum u kongsan. Haka sngi plie la iadonlang Principal Thomas Jones Synod College u Dr DG Lyngdoh, ka Assistant Professor Thomas Jones Synod College C Bapui, Assistant Professor MJ Lamare, Assistant Professor DM Shanpru, u president JHDCA u Paia Lhuid, u Adviser JHDCA U Ma P Lyngdoh nalor kiwei kiwei.

Ki nongjop ha kane ka jingiakhun ba ar sngi, naka kyrdan Junior u lahduh u dei u Pynwanroi Suting (5point), ba ar u Daekyrpangmitre Pyrngap (4 point) bad ba lai u Leon Raymond Rymbai (4 point). Na ka ki kynthei ka Sowkidaboi Papang (3 point).

Haka kyrdan Open Category u Richard L Jongte ula long u lahduh (6 point), u Paiada Ohi Lhuid ula wan ba ar (5.5 Point) bad ba lai u Huron Y Buam (5.5).