Ka Palmmela ka thei bhabriew tam ha Narpuh
JOWAI: Ka samla Palmmela Zosina Sungoh kala rah ïaka nam ba bha briew tam ha baroh kawei ka Narpuh Elaka haka rynsan ïakop ‘thei bhabriew ba nyngkong eh ka thain Narpuh –Ka 1st Miss Narpuh kaba la pynlong da ka Sonapyrdi Tourism & Economic Development Society (STEDS).
Ïa kane ka jingïakop la pynlong haka tamasa wah Lukha ha Umpasu Sonapyrdi, East Jaiñtia Hills District haka taiew bala dep.
Ka Palmmela, ka dei ka nongshong shnong ka Umkiang. Ka dang pule haka kyrdan BA (Hons) 2nd Semester ha St Mary’s College Shillong.
Ka thei bhabriew kaba wan ba ar haka kane ka rynsan ïakop ka dei ka Naphisha Pala kaba na ka Shnong Umkiang. Kala pyndep ïaka kyrdan pule Graduate na Women’s College Shillong bad ka nam ba lai kala leit sha ka Mebarika Syih na ka Shnong Sonapyrdi ba dang pule Bsc (Hons) 6th Semester Ha Kiang Nangbah Government College, Jowai.
Ka Sookini Sutnga kaba la ju rah ïaka nam ‘Miss Cherry Blossom 2017’, Ka Simi Khongtiang, Ka nongshna phlim ha Jylla bad Ka Hundaka Lhuid kaba la leit shimbynta bad rah nam haki jingiakop bhabhriew ha jylla bad shabar ri kila long ki nongbishar. U kaitor Goldenstar Suchiang ula long kum u nongpyniaid katei ka ïakop bhabriew.
La ïadonlang ryngkat u Chiborlang Wahlang, u nongialam East Jaiñtia Hills Adventures Motor Sports Association (EJAMSA) ula long u kongsan bad pynshlur ‘ïaka STEDS ban pynlong shuh shuh ïa kum kine ki prorkam ban ai mynsiem ïaki samla ba don sap ha kum kine ki jingïakop.
Facebook
Instagram
Youtube
Twitter
Leave a Reply